Burela, 13 de marzo de 2022. O presidente da Comisión de Pesca e Marisqueo do Parlamento de Galicia e deputado do Grupo Popular, José Manuel Balseiro, reclama ao Ministerio de Pesca que a frota galega que captura pescada en augas do caladoiro Cantábrico-Noroeste teña acceso ás axudas con cargo ao Fondo Europeo Marítimo-Pesqueiro (FEMP) ante situacións de paralización temporal obrigada da súa actividade.
O deputado popular di que o Goberno central pode facer uso destes recursos europeos para compensar o resultado negativo das negociacións sobre os repartos das cotas pesqueiras. Balseiro explica que non está a pedir nada que non estea permitido pola lexislación xa que, na actualidade, estas axudas xa se contemplan para a frota pesqueira española que faena en augas do Mediterráneo e do Golfo de Cádiz cando se ve obriga ao amarre.
Balseiro lembra que esta demanda xa a trasladou á Xunta de Galicia ao Goberno central e busca agora o apoio unánime de todas as forzas políticas do Parlamento para reforzar esta petición.
Os populares galegos queren que se apoie de xeito homoxéneo e en igualdade de condicións ao conxunto da frota española e evitar así situacións de discriminación e agravio comparativo, precisamente contra a frota galega.
RECORTES NAS POSIBILIDADES DE PESCA
Cómpre lembrar a pescada é unha das actividades de captura máis importantes da frota pesqueira de portos como os de Burela e Celeiro polo que, de articularse estes apoios, serían grandes beneficiarios.
“A frota da Mariña lucense non só está a sufrir o impacto da redución de cotas con recortes continuos nas posibilidades de captura se non que ademais agora soporta a escalada de prezos dos combustibles que poñen en risco o futuro e a rendibilidade desta actividade”-sinala Balseiro.
No caso da pescada Sur, as posibilidades de captura reducíronse nun 8% en 2022. A intención inicial era que o recorte fora do 18% pero foi posible certos avances tras facer valer os informes socioeconómicos elaborados por Galicia. Con todo, Balseiro sinala que a cota actual segue a ser insuficiente para garantir a actividade continua da frota galega que leva soportando recortes continuos nos últimos tres anos.
As estimacións feitas por Galicia mostran que a nosa frota asume o 63% do impacto destes recortes. A Xunta de Galicia estimaba que os TAC e cotas para 2022 supoñen perdas para a economía galega de máis de 16 M€.
PRECEDENTE ÁS AXUDAS MEDITERRÁNEAS
Pola súa banda o Ministerio de Agricultura, Pesca e Alimentación (MAPA) habilitou un sistema de axudas para compensar á frota de arrastre do Mediterráneo pola redución de cotas decidida no último Consello de Ministros de Pesca da Unión Europea.
O novo sistema de axudas con cargo ao FEMP permite compensar aos armadores e tripulantes polos días que se vexan obrigados a reducir o esforzo pesqueiro. Os días de redución calcularanse en función das xornadas que os buques actuais poderían ter de actividade se non tivesen que acometer a redución de esforzo asociada ás novas cotas.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
