Santiago, 23 de marzo de 2022. O Parlamento de Galicia aprobou hoxe a proposición non de lei do Grupo Popular, sen o apoio de BNG nin do PSdeG, a través da que se demanda ampliar as medidas de apoio e estímulo económico dirixidas aos traballadores autónomos, ao tempo que se pide ao Goberno central que paralice a reforma do sistema de cotizacións dos autónomos para negociar esta modificación cos grupos políticos e representantes destes traballadores.
O portavoz de Emprego do Grupo Popular, José Manuel Balseiro, lembrou que en Galicia hai preto de 208.000 traballadores autónomos “que precisan de medidas dirixidas a garantir a súa continuidade e fortalecelos”. “Por iso, desde o Grupo Popular pedimos un plan de choque que dea continuidade ás medidas de estímulo para dar viabilidade e consolidar os proxectos empresariais, reducir a fiscalidade e abaratar os custos relacionados cos prezos da enerxía e dos carburantes”, sinalou.
“Os autónomos son un colectivo prioritario pola súa fortaleza e pola súa capacidade de xerar riqueza e emprego, polo que calquera decisión que se adopte para este sector debe encamiñarse a garantir a súa continuidade e ofrecer fórmulas de fortalecemento”, manifestou.
Porén, Balseiro lamentou que “a realidade amosa un comportamento moi distinto das distintas administracións no seu grao de compromiso cos profesionais autónomos”. Así, afirmou que “mentres a Xunta ten inxectado máis de 610 millóns de euros en axudas directas ao tecido produtivo galego, constituído nun 97 por cento por autónomos e microempresas, o Goberno de Pedro Sánchez está a provocar a súa asfixia coa suba das súas cotizacións sociais, unha decisión imposta sen comunicación previa e sen diálogo co colectivo”.
REFORMA CONSENSUADA DO SISTEMA DE COTIZACIÓNS
“Desde o Grupo Popular non negamos que haxa que reformar o sistema de cotizacións, pero consideramos que nin é o momento de facelo agora nin o que transcendeu é a reforma adecuada”, sinalou o portavoz popular. Neste sentido, engadiu que o novo sistema de cotizacións para autónomos “debe nacer da reflexión e do consenso, escoitando a todos os interlocutores, porque non debe permitirse que a ampla maioría dos autónomos vexa incrementados os seus custos de maneira inxusta e co único afán recadatorio”.
José Manuel Balseiro lamentou que “a falta de dilixencia económica do Goberno de España estana a pagar as clases medias e traballadoras, coa suba de impostos aos carburantes, a suba do imposto de matriculación e de circulación, e a harmonización fiscal á alza, xunto con outras medidas xa avanzadas como o establecemento de peaxes pola utilización das autovías”.
Diante desta situación, insistiu que “é imprescindible e urxente adoptar medidas de apoio ao colectivo das persoas traballadoras autónomas, que vaian acorde coas reformas emprendidas polo Goberno galego dirixidas á redución da presión fiscal, á eliminación das trabas burocráticas, á mellora das medidas de impulso ao traballo por conta propia e á posta en marcha de axudas específicas e de vías de asesoramento”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
