Santiago de Compostela, 23 marzo 2022. O BNG recriminou á Xunta no Parlamento galego o incumprimento sistemático dos acordos acadados co voto a favor do PP para mellorar a sanidade pública na Mariña que, na actualidade, non mudou en nada “o colapso diario no hospital de Burela onde, ao igual que nos centros de saúde, seguen sen cubrirse nin as baixas, nin as vacacións nin as prazas”.
“As derivacións a Lugo e a ausencia de servizos seguen aí e, o que é peor, non melloraron nin o que se comprometeron a mellorar”, reprochou o deputado nacionalista Daniel Castro ao conselleiro de Sanidade nunha pregunta parlamentaria na que recordou que o PP votou a favor da recuperación do servizo de HADO/Paliativos en todos os concellos do distrito sanitario “e segue estando só en catro”; da cobertura de todas as prazas coas que contaba o servizo de radioloxía do hospital comarcal “e segue habendo dúas traballadoras, con sorte 3 algúns días da semana, dos cinco co que conta o servizo”; e do cribado íntegro de cancro de mama na Mariña sen ningunha derivación a Lugo “e ata o último día do proceso seguiron derivando pacientes a Lugo”.
Nesta liña, Castro advertiu que a lista de espera para ecografías remóntase a máis dun ano -“hai xente agardando dende agosto de 2020 por unha ecografía!”, censurou- e que o hospital de Burela está inmerso en tan nivel de colapso que hai pacientes oncolóxicos que chegan ao centro por outras patoloxías e marchan “seis horas despois” sen ser atendidos.
A pregunta que tiñamos rexistrada era se están dispostos a levar a cabo unha mellora na sanidade pública da Mariña que implique máis orzamento, máis persoal sanitario e máis servizos, pero vendo que non levan a cabo nin o que votan a favor, eu xa prefiro preguntarlles se son conscientes desta realidade e están dispostos a recoñecela”, criticou con severidade.
Ante as evasivas do titular de Sanidade escudándose unha vez máis, entre outras cuestións, na falta de médicos e médicas, o deputado nacionalista cuestionou as condicións laborais que está a ofrecer o Goberno do PP ás e aos profesionais sanitarios. “Se vostedes tentan a un ou a unha profesional ofrecéndolles menos soldo para ser a única médica polas tardes para atender a 16.000 habitantes dunha localidade como Viveiro, ou para vir a San Cibrao, onde actualmente están coa metade do cadro de persoal, ou a Ribadeo, onde falta máis dun cuarto, se cadra isto ten algo que ver en que non haxa médicos e médicas e, por iso, a sanidade da Mariña está así a día de hoxe”, concluíu.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
