Burela, 23 de abril, 2022. O Pescados Rubén Burela consegue impoñerse ao Raio Majadahonda AFAR 4 FSF 8-2, no que significa a primeira vitoria oficial en Vista Alegre de Julio Delgado tras a súa volta ao banco laranxa.
O partido comezaba con ocasións para o equipo visitante, con dous bos disparos a portería que puideron significar abrir o marcador. Con todo, ía poder máis a calidade das laranxas, e chegado o minuto 5 de encontro, Dany foi quen inaugurou o marcador hoxe en Vista Alegre.
O Majadahonda seguía buscando achegarse á portería, pero calquera situación en ataque do Pescados Rubén Burela era perigosa, pois non lle facía falta moito para anotar e así o fixo no minuto 11 Lara Balseiro segundo roto á pista.
Soamente dous minutos despois, O Burela completa unha paralela de luxo na cal Dany volve anotar e poñer o 3-0.
Era cuestión de 2 minutos máis, e o Burela seguía aumentando no minuto 15 a súa renda por mediación de Elena Aragón tras aproveitarse dun rexeite dun disparo de Ale de Paz. Ía chegar o Descanso en Vista Alegre cos últimos minutos da primeira parte sen novidades e cun 4-0 a favor do Burela.
Empezou a segunda parte con tolemia, parecía que xa desde o inicio o marcador non se ía a quedar así. Con isto, no minuto 21 logra reducir distancias o Majadahonda con Andrea Feijóo como protagonista, pero na seguinte xogada na que sacan de medio campo, anotaría Irene Samper o que foi o 5-1.
Despois disto as laranxas pasaron un gran tamo buscando aumentar a súa renda, atacando todos os minutos na área rival. Así pois, chegaría o 6-1 no minuto 27 de Cami tras incorporarse cun bonito disparo coa zurda.
As visitantes non ían deixar que o marcador queda así, e tras algunha oportunidade ían reducir distancias no minuto 34 a través de Moni. O partido ía seguir sen cambiar uns cuantos minutos, pero nos dous finais ían aumentar a renda laranxa primeiro Elenita despois dun pase extraordinario no min 38 e posteriormente Irene Samper que estaba a buscar o tanto no minuto 39.
O partido ía acabar co contundente resultado de Pescados Rubén Burela 8 Raio Majadahonda AFAR 4 FSF 2.
Ficha técnica
Pescados Rubén Burela: Sandra, Cami, Leti M.Cortés, Irene Samper, Emilly –cinco inicial- Bea Mateos, Elena Aragón, Dany, Ale de Paz, Jenny, Jozi e Elenita.
Raio Majadahonda AFAR 4 FSF: Lauri, Montull, Coral, Alba Pena, Cels ,Peque, Vero, Pitxi, Andrea Feijoo, Mireia, Chili Pitu e Moni.
Goles: 1-0 Dany Min 5; 2-0 Lara Balseiro min 11, 3-0 Min 13 Dany, 4-0 Min 15 Elena Aragón, Min 21 4-1 Andrea Feijoo; Min 22 Dany 5-1; Min 26 6-1 Cami; Min 33 Moni 6-2; Min 38 Elena ; Min 39 Irene Samper.
Equipo arbitral FELIZ OTERO- OTERO MIRA , VIEITO REGUEIRA- DOUS SANTOS MON. Tarxetas amarelas a Dany e Irene Samper.
Incidencias: Partido correspondente á xornada 24 de Primeira División RFEF Feminina de Futsal, disputado no pavillón Vista Alegre de Burela.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
