Lugo, 31 de maio de 2022. O Pleno da Deputación de Lugo aprobou por unanimidade unha proposta do BNG que reclama ao goberno do Estado que preserve a pesca do impacto da enerxia eólica. A iniciativa obtivo o respaldo dos tres grupos políticos, comprometendo así á institución provincial na defensa do sector pesqueiro fronte á instalación de parques eólicos en caladoiros e zonas de actividade pesqueira.
Na defensa da iniciativa, presentada como proposta de goberno, o voceiro nacionalista, Efrén Castro, puxo a énfase na defensa dun sector que provee de alimentos de calidade e xenera unha actividade económica fundamental para a comarca da Mariña. “Temos que protexer o sector que xa existe”, incidiu o deputado nacionalista que advertiu da trampa de argumentos como a creación de postos de traballo na eólica co que o grupo provincial Partido Popular amagou antes de votar a favor da proposta.
“O que pedimos son estudos científicos que avalien o impacto das instalacións eólicas sobre a actividade pesqueira e sobre o medio mariño, xa que unha afectación á estes ecosistemas tería consecuencias para toda a frota e para todo o tecido económico e social arredor da pesca”, resumiu en relación co contido da moción, que recolle as demandas do coñecido como “Manifesto de Burela”, asinado por asociacións e federacións de confrarías, así como armadores e outras organizacións vinculadas ao mar, e que o BNG trasladou tamén ao Parlamento de Galiza e ao Congreso dos Deputados.
A moción aprobada inclúe como puntos de acordo instar ao goberno do Estado “protexer o sector pesqueiro da ameaza que supoñería a localización de instalacións eólicas mariñas en caladoiros e espazos dedicados á actividade pesqueira”, “evitar o severo prexuízo ao sector pesqueiro e á preservación dos ecosistemas mariños que suporía a implantación desordenada deste tipo de instalacións eólicas e, en consecuencia, garantir a súa coexistencia coas actividades pesqueiras sempre que sexa posible a dita coexistencia sen afectar o ecosistema mariño e as actividades pesqueiras” e “avaliar a través do Consello Superior de Investigacións Científicas (CSIC) e do Instituto Español de Oceanografía ( IEO) o posible impacto de instalación de polígonos industriais eólicos mariños sobre os recursos pesqueiros e as zonas de traballo das diferentes artes e segmentos de frota que operan no caladoiro nacional do Cantábrico Noroeste e os seus efectos sobre a economía das comunidades pesqueiras do Cantábrico”.
O Pleno urxe ao Estado a reparar as rotondas da Campiña e Nadela
O BNG expuxo no Pleno o estado “lamentable” do pavimento de Nadela (km. 494 da N-VI) e da Campiña (tramo N-640, km.88), dous dos principais accesos á cidade de Lugo e punto de intersección de vías troncais para a provincia levou ao Pleno provincial.
O grupo nacionalista acadou tamén o apoio unánime da corporación provincial para reclamar ao Estado o acondicionamento urxente do firme, “intransitable nalgún dos carrís” e “cun deterioro que avanza día a día polo volume de tráfico destas vías” que, lembrou, son de uso habitual para a veciñanza de distintas comarcas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
