O alcalde cervense e vicepresidente primeiro da Fegamp, participou no encontro no que se abordan cuestións tan relevantes como a incidencia da nova lei de residuos para as entidades locais
Cervo, 13 de xuño de 2022. O alcalde de Cervo e vicepresidente primeiro da Fegamp foi o encargado de inaugurar, xunto coa directora xeral de Calidade Ambiental, Sostibilidade e Cambio Climático, Sagrario Pérez, a II reunión do Foro Galego Local de Economía Circular “FOGALEC”, que tivo lugar este luns na Cidade da Cultura, en Santiago de Compostela.
O encontro, que se desenvolveu durante toda a mañá, está dirixido a aquelas persoas que desenvolvan o seu labor técnico ou político nunha área con responsabilidades sobre a xestión de residuos dunha entidade local galega.
Na súa intervención, Villares, destacou o fondo compromiso das entidades locais á hora de dar cumprimento aos obxectivos de Desenvolvemento Sostible e a Axenda 2030; “especialmente sensibilizados para tentar dar resposta a unha emerxencia global que é unha auténtica carreira contrarreloxo”.
Neste senso, o alcalde, fixo especial fincapé nas dificultades que “nos atopamos en Galicia con este trazado xenérico, con dúas pendentes ben definidas: a dispersión poboacional e a xeografía”.
Con todo, engadiu, en canto a xeración de refugallos se refire, somos a sexta comunidade en cantidade con 423 quilos/habitante/ano; cifras -por suposto- que debemos e podemos mellorar co compromiso de todos/as.
En materia municipal, Villares afondou “nos considerables esforzos que a nova Lei de Residuos e Solos Contaminados, xa en vigor, vai traer para moitos concellos galegos, tamén en materia de planificación”.
Tamén destacou a “tremenda problemática dos plásticos”, que en 2020 representaban o 76% dos residuos das praias galegas.
O rexedor e vicepresidente primeiro da Fegamp puxo en valor o FOGALEC; agardando que os presentes aproveitasen “este espazo intercambio e recollida de ideas e experiencias”
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
