A clase práctica completa a charla celebrada esta semana coas surfistas Claudia Prieto e Lucía Martínez
Viveiro, 23 de xuño de 2022. O Concello de Viveiro pechou a primeira cita do programa “O deporte non ten xénero” cunha clase gratuíta de surf. Esta iniciativa, impulsada pola concellería de Muller en colaboración co Centro de Información á Muller, ofreceu na primeira sesión unha charla sobre este deporte, completada con esta lección práctica de surf.
A clase de surf, celebra na praia de A Abrela (O Vicedo), permitiu a este grupo de mulleres achegarse a este deporte. O encontro tivo ademais un marcado carácter interxeracional, con mulleres de todas as idades.
Esta sesión de surf dá continuidade á charla celebrada esta semana na sala multiusos do Concello de Viveiro. Na sesión, as deportistas Claudia Prieto e Lucía Martínez, de Viveiro Surf Escola, compartiron co público a súa exitosa traxectoria neste deporte.
“Con este tipo de actos buscamos reivindicar a figura da muller no deporte, dándolle así visibilidade ás deportistas. Nos próximos meses continuaramos ofrecendo charlas e clases sobre outros deportes, co foco na participación feminina”, explica a concelleira de Muller, Lara Fernández Fernández-Noriega.
Dende o Concello de Viveiro agradécese ás mulleres que participaron nesta primeira sesión da iniciativa “O deporte non ten xénero”, así como ás surfistas Claudia e Lucía e a Viveiro Surf Escola, pola súa implicación na actividade.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
