As traballadoras/es rexeitan o plan de peche da empresa e reclaman feitos á Xunta de Galiza
Viveiro, a 7 de xullo de 2022. Traballadoras e traballadores de Albo manifestáronse esta tarde dende a fábrica en Celeiro até os xardíns de Noriega Varela de Viveiro en demanda do mantemento dos empregos na Mariña e pola continuidade produtiva da última conserveira que queda en activo na comarca. Máis unha vez, a veciñanza ten que saír á rúa mobilizarse contra o peche doutra empresa e para reclamar o seu dereito a poder vivir e traballar dignamente na Mariña.
No manifesto lido polas delegadas ao remate da mobilización, na que tamén participou o secretario xeral da CIG, Paulo Carril, rexeitouse o plan de peche da empresa e amosouse a firme disposición das traballadoras e dos traballadores a loitar para conservar os seus empregos en Celeiro. “Un traslado a estas alturas das nosas vidas, e despois do que levamos traballado, sacrificado, suado e mesmo sufrido nesa fábrica é unha indignidade”, denunciaron.
Para máis inxustiza, a empresa, propiedade do grupo Shanghai Keichuang, ofrece unhas condicións para o traslado a Salvaterra inasumíbeis e presentou unha proposta de indemnizacións totalmente cativeiras que non recoñecen en absoluto a entrega e o esforzo do persoal durante todos estes anos.
Unha planta viábel
Fronte ao peche e ao traslado da produción, a CIG continúa defendendo a viabilidade da factoría na Mariña, xa que ten carga de traballo abondo para manter os actuais niveis de emprego, resulta viábel economicamente (segundo afirmacións da propia compañía) e dispón dunha localización privilexiada a carón de dous portos pesqueiros de referencia: o de Celeiro e o de Burela. Como ben destacou o secretario da CIG da Mariña, Xorxe Caldeiro, “temos o bonito e temos a pescada pero non temos conserveiras”, en referencia ao feito de que o peche de Albo suporá a desaparición definitiva deste sector na comarca.
Nesta mesma liña, Susana Riveira, da Executiva local da CIG, engade que os preto de cen anos de historia da planta constitúen un plus de imaxe para a empresa pola confianza que xera nos mercados e nas persoas consumidoras. De igual maneira, advirte que con esta decisión empresarial se está deixando fóra do mercado laboral a moitas traballadoras, nunha idade ademais que dificulta a súa recolocación noutros sectores.
Por iso, na manifestación deste xoves lanzouse un novo chamamento á Xunta de Galiza para que faga “algo máis que declaracións de intencións” e traballe arreo na busca de alternativas que permitan manter a actividade e os empregos no curto prazo; e neste senso que concrete se existe realmente algunha empresa interesada en continuar coa produción en Celeiro, e baixo que condicións. Na protesta criticouse tamén a falta de implicación do presidente da Xunta, Alfonso Rueda, que esta semana estivo pola Mariña “pero non debeu ter un oco na axenda para interesarse pola nosa situación”.
Así as cousas, as traballadoras e os traballadores quixeron agradecer a solidariedade amosada pola veciñanza, no firme convencemento de que só a través da loita “poderemos conseguir que as declaracións de intencións se convertan en feitos” e que a empresa vexa “que non imos aceptar que trunquen así as nosas vidas”. “Porque entre todas e todos imos conseguir que en Celeiro Albo teña solución”, concluíron.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
