Alfredo Llano explicou a elección do lugar da presentación pola relación xa existente entre ambos municipios debido á industria da cerámica, agardando estreitar lazos para futuros proxectos
Burela, 13 de xullo de 2022. Burela estreará este ano 2022 o recente nomeamento da Feira do Bonito como de Interese Turístico Nacional. Nunha aposta decidida por continuar coa súa promoción, organizadores e Concello realizarán a presentación desta cita gastronómica e cultural nas instalacións do coñecido circuíto de Montmeló.
Ata esta localidade catalá desprazarase unha delegación encabezada polo alcalde de Burela, Alfredo Llano, acompañado dun grupo de veteranos do mar e a cronista oficial do concello, Herminia Pernas, co obxectivo de presentar a Feira do Bonito que terá lugar o primeiro fin de semana de agosto, así como dar a coñecer neste lugar todos os atractivos turísticos cos que conta Burela.
Segundo afirmou o alcalde, “existe unha vinculación entre os dous municipios pola industria da cerámica que foi moi representativa aquí en Burela a través da fábrica de Gres, e que tamén tivo presenza en Montmeló, impulsada pola familia Cucurny”, explicou Llano. “Tanto é así que no ano 2020 realizáronse unhas xornadas para analizar o pasado de ambas industrias, polo que nos pareceu o lugar idóneo para presentar e dar visibilidade á nosa Feira do Bonito, que exerce por primeiro ano a declaración como Feira de Interese Turístico Nacional despois de moitísimo traballo para conseguilo”.
Co fin de seguir esta senda de promoción, o venres 15 de xullo farán a presentación nas instalacións do circuíto de Montmeló ás 18 horas, expoñendo o programa da feira e todas as actividades que se porán en marcha ao redor deste produto emblema da gastronomía burelesa.
“Estamos moi agradecidos porque nos deran a oportunidade de facer alí a presentación, facilitando todo o traballo e poñendo todos os seus medios á nosa disposición”, informou o rexedor, engadindo que “agardamos estreitar a relación para poder incluso concretar proxectos a futuro entre Burela e Montmeló”.
Desde o Concello levarán material diverso con información turística da gastronomía, patrimonio, historia e cultura non só da localidade senón tamén de toda a comarca da Mariña, convidando ás persoas que asistan á presentación a que visiten Burela e todo o litoral da mariña lucense.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
