Burela, 20 de xullo, 2022. No día de hoxe anunciamos que deixa o equipo un xogador vital con ADN laranxa. Iago Míguez deixa o clube tras dez tempadas defendendo a camiseta do primeiro equipo. O burelense é unha seña de identidade do clube e demostrou liderazgo, traballo e implicación nos seus anos na plantilla. Iago, que xa foi formado nas categorías inferiores do conxunto mariñán, non continuará a seguinte campaña.
Formulámoslle unha serie de preguntas con motivo da súa marcha que respondeu:
Con que sensacións deixas o equipo?
“É moi complicado deixar o clube do teu corazón. En Burela formeime tanto persoalmente como profesionalmente e os mellores anos da miña vida como xogador paseinos tamén aquí. Burela foi a miña casa, onde me inculcaron todos os valores do deporte”
Estás satisfeito co teu rendemento no clube?
“Si en xeral si. É certo que houbo anos mellores e peores, pero eu creo que ao final me vou coa satisfacción dar todo polo meu pobo, polo clube e a camiseta”.
Como valoras a túa gran etapa no equipo, co cal estiveches vinculado tantos anos?
“Foi unha pasada gozar tanto tempo e defender ao teu pobo por toda España, ao final defender iso é algo moi grande. Calquera deportista profesional se estivese na miña situación sabería o que é. Creo que fun un privilexiado todo este tempo, facendo o que máis me gusta onde quixen, e cumprindo un soño desde pequeno”.
Que é o que máis vas botar de menos do Burela FS?
“Vou botar de menos todo. Principalmente defender o equipo diariamente, ir a Vista Alegre xogar coa afección á cal lle agradezo eternamente todo o que fixo por min e polo equipo. Xogar para o meu pobo todos os sábados vouno botar moito de menos.”
Algún momento especial que lembres co equipo?
“Moitos. Pero se me teño que quedar cun foi representar ao Burela FS nas Copas de España. O sentimento que tiven nesta competición antes de saltar á cancha nunca na miña vida sentín algo igual. A motivación que tiven neses partidos nunca na miña vida tiven sensación parecida. Quería gozar da pista, gozar o momento. Co pavillón a rebosar, cámaras por todos os lados, a túa afección apoiándoche a moitos km de distancia para min foi algo inesquecible”.
Algunha declaración que lle queiras dar á afección?
“O único que lles podo dicir é que lles estou eternamente agradecido por apoiarme todas estas tempadas. Eu empecei sendo un afeccionado máis desde as bancadas, crecín animando ao equipo, e despois vivín tamén desde a pista á afección, e vin que é envexable. Dígolles que non deixemos de animar ao equipo, eu vou seguir sendo un máis, e vou seguir apoiando ao equipo. Que nunca cambien que son unha afección moi grande, un foco de atención no fútbol sala en España. Nunca os vou a esquecer”.
Desde o clube agradecemos enormemente todo o que representou este xogador en todos os ámbitos, xa desde tan novo. Converteuse nun exemplo para seguir para moitos e sempre será unha institución na familia laranxa. Desexámoslle sorte no seu futuro.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
