Eugenia Requeijo lembra que a Dirección Xeral de Ordenación do Territorio e Urbanismo aclarou que os erros que atoparon no documento enviado polo Concello son relativos aos servizos urbanísticos
Muras, 26 de xullo de 2022. O polígono industrial de Muras é un proxecto de carácter urbanístico en cuxa necesidade hai tempo que coinciden as forzas políticas. O municipio necesita un espazo industrial que dea resposta ás demandas de solo que formulan os empresarios da zona. O parque empresarial atraerá novas empresas e creará oportunidades de emprego nunha comarca rural, despoboada e moi envellecida. Así o sinala a portavoz do PP en Muras, María Eugenia Requeijo, que insta ao goberno municipal e, sinaladamente, ao alcalde, Manuel Requeijo, a cubrir canto antes os trámites administrativos para a posta en marcha do polígono.
Requeijo di que, tal como indicou no seu momento o deputado autonómico Ramón Carballo, para conseguir este obxectivo “é condición imprescindible que o Concello finalice a tramitación do procedemento de revisión das normas subsidiarias”. Con este trámite o que se busca é transformar as parcelas adquiridas en terreo urbanizable e así poder asentar as empresas.
No grupo popular provoca malestar que o goberno municipal acuse á Xunta de Galicia de ralentizar os trámites. No Concello aínda non responderon aos requirimentos da Dirección xeral de Ordenación do Territorio e Urbanismo, no que se explicaban os erros a correxir para a aprobación definitiva do proxecto.
Recentemente, a Xunta ampliou a vixencia dun informe ambiental que emitiu en 2016 e que caducaba no ano en curso. Así, o Concello non ten que volver a iniciar o procedemento.
Os populares din que “a Xunta axilizou este trámite como mostra de vontade de colaboración; o Concello pediu a prórroga do informe no mes de marzo e tras verificar que todo estaba en orden, en abril, un mes despois, a Xunta xa autorizo esa prórroga polo plazo de dous ano, é dicir, ata o 6 de abril de 2024”.
Eivas a correxir no documento presentado polo Concello
A Dirección Xeral de Ordenación do Territorio e Urbanismo instou no seu momento ao goberno municipal a correxir os erros que hai no documento que lle entregaron, en relación cos servizos urbanísticos.
As eivas detectadas pola Xunta son abundantes e van dende saber cal é a obtención da concesión de augas para o abastecemento ata a especificación no documento do uso do solo.
Outros aspectos a correxir por parte do goberno municipal son a cuantificación nas intensidades do seu uso, concretamente canta edificabilidade se pode materializar; a aclaración das reservas esixidas para zonas verdes e aparcamento público. Outro aspecto a tener en conta é o sistema de arborada que garantice unha sostibilidade ambiental.
A Xunta deixou claro que todo son cuestións abarcables. Unha vez rematada a subsanación destes problemas, será sometido a aprobación plenaria para despois remitilo á Xunta de Galicia, que disporá de un prazo de 3 meses para a súa aprobación.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
