O Grupo do PP xa preguntara en outubro por que non se abrían os centros de día e “daquela responderon escusándose na covid-19, a pesar de que non tiña moito sentido porque os da Xunta si que estaban abertos”
Meira, 2 de agosto de 2022. O Grupo do Partido Popular esixe ao goberno provincial que preside o señor Tomé poñer en marcha os centros de día das residencias da Deputación. Así o manifestou o voceiro, Javier Castiñeira, durante a súa visita a Meira na que o portavoz do Grupo Municipal Popular, Carlos Veiga, lle trasladou a inquedanza dos veciños deste concello onde non está en marcha; a pesar de tratarse “dun servizo que demandan os veciños nun momento no que xa non existen medidas relacionadas coa covid-19, máis alá da debida prevención coma en calquera outra actividade, que impidan o seu funcionamento”.
O voceiro do Grupo Provincial Popular subliña que “esta situación é común a outros concellos nos que están abertos os centros residenciais da Deputación, pero non os centros de día. Xa vimos o que pasaba na residencia de Castroverde e agora coñecemos tamén o caso deste centro de Meira”. Nese sentido, explica que “a residencia -que dispón de 30 prazas- leva aberta dende finais do ano pasado, pero as 20 prazas de centro de día están libres”.
Veiga engade que “hai usuarios que teñen que ir a outros concellos porque non está en funcionamento o centro de día de Meira. Os veciños non entenden que haxa instalacións e que se anuncien prazas de centro de día, pero que non presten o servizo no noso municipio”.
Castiñeira denuncia a “falta de vontade” do equipo de goberno da Deputación para poñer en servizo os centros de día e acúsao de “moito presumir das residencias no rural; pero, ao non funcionar ao 100%, están a gastar ese diñeiro sen usalas para o fin para o que foron deseñadas e sen darlle servizo aos veciños que o precisan, pero que non poden contar con el”.
“Falta de xestión” en relación ás residencias da Deputación
O Grupo do Partido Popular xa preguntara ao goberno provincial no pleno do mes de outubro do ano pasado o motivo polo que non se abrían os centros de día. “Daquela responderon escusándose na covid-19, a pesar de que non tiña moito sentido porque os da Xunta si que estaban abertos. Agora, pasados varios meses, entendemos que se debe a unha falta de xestión coma outras moitas que rodean a xestión das residencias da Deputación”.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
