Os populares condenan “a deixadez total e absoluta” en materia de seguridade cidadá por parte do goberno local socialista que tamén desmantelou o GES
A Fonsagrada, 10 de agosto de 2022. O voceiro do PP da Fonsagrada, Jose Regueiro, pide ao goberno local do PSOE que faga as xestións oportunas para cubrir de xeito urxente e temporal a praza de policía local, que na actualidade está vacante, por atoparse o titular prestando servizo noutro municipio en comisión de servizo “autorizada polo alcalde”.
Os populares urxen a tomar medidas co obxectivo de “velar pola seguridade dos fonsagradinos” debido ao “caos circulatorio que se vive a diario no casco urbano, especialmente polas mañás e que se agrava agora no verán coa maior afluencia de xente”. Regueiro considera que “esta situación pode supoñer riscos para os condutores e, sobre todo, para os peóns”.
A comezos deste ano 2022, os populares xa advertían que o alcalde deixaba ao concello sen policía local ao amortizar a praza nos orzamentos municipais aprobados polo PSOE coa necesaria abstención do BNG. “Tras aprobar a prórroga – o pasado mes de maio- da comisión de servizo ao axente que ten praza na Fonsagrada, o noso concello continúa sen ningún efectivo que regule o tráfico no casco urbano nin os mercados ou as sacas de madeira polos camiños municipais”, manifesta.
Deixadez en materia de seguridade cidadá
O voceiro popular lamenta tamén as deficiencias na sinalización viaria do núcleo da Fonsagrada porque tamén poden constituír “certos perigos”. Regueiro explica que “a sinalización horizontal está en mal estado: están despintados algúns pasos de peóns e prazas reservadas para persoas con mobilidade reducida e, incluso, os sinais horizontais contradín as indicacións dos sinais verticais xerando confusión, sobre todo, entre os nosos visitantes que non coñecen a nosa vila do día a día”. A isto hai que engadir que “a ubicación dalgúns contedores no casco urbano dificulta o paso de peóns”.
O popular condena, polo tanto, “a deixadez total e absoluta” do goberno local socialista en materia de seguridade cidadá. Á falta dun axente de policía local, “hai que engadir tamén o desmantelamento do Grupo de Emerxencia Supramunicipal (GES)”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
