En Galicia hai arredor de 3.700 persoas que se dedican ao marisqueo a pé, que teñen un permiso de explotación, sementan o marisco, coidan as zonas e pagan impostos polo seu traballo
Santiago de Compostela, 15 de agosto de 2022. A campaña de sensibilización Do mar, vívese, posta en marcha pola Consellería do Mar para concienciar sobre os prexuízos que ocasiona a extracción ilegal de recursos marisqueiros aos profesionais desta actividade, chegou xa a máis de 2.200 visitantes dos areais galegos desde a súa posta en marcha o pasado mes de xullo. Así, nestas primeiras semanas de actividade a iniciativa trasladou aos veraneantes a importancia de respectar o traballo dos profesionais do marisqueo que na época de verán obteñen un terzo dos seus ingresos anuais, a través de diferentes obradoiros.
Ademais de involucrar ás veciñas e veciños da zona, a campaña amosa tamén eses valores aos turistas que visitan as costas galegas por medio de xogos e actividades lúdicas dirixidas a persoas de todas as idades. Neste sentido, algúns dos aspectos máis valorados polos que toman parte nesta acción é a posibilidade de coñecer o traballo que realizan os profesionais do marisqueo –nalgúns casos con experiencias de primeira man–, as diferenzas entre especies e a importancia de conservar limpo e coidado o medio –en varias ocasións os propios participantes colaboran con recollidas de lixo–.
Nos expositores informativos situados nas praias tamén se reparten trípticos sobre esta iniciativa e elementos promocionais entre o público que participe como bolsas de pano, toallas de praia e camisetas. Tamén hai chalecos e gorros destinados ás confrarías de pescadores.
A iniciativa pasou xa por algúns dos areais da provincia de Pontevedra e continúa durante todo este mes de agosto e ata comezos de outubro por varios das provincias da Coruña e Lugo ata alcanzar os 50 previstos, abarcando o período no que se rexistra maior afluencia de xente nos areais.
Deste xeito dá continuidade ás iniciativas de sensibilización desenvolvidas en anos anteriores coa finalidade de seguir concienciando á cidadanía sobre a importancia do marisqueo e a ilegalidade que supón a extracción de marisco sen permiso de explotación.
Cabe destacar que en Galicia hai arredor de 3.700 persoas que se dedican ao marisqueo a pé e das que dependen outras tantas familias. Trátase de profesionais que teñen un permiso de explotación, sementan o marisco, coidan as zonas e pagan impostos polo seu labor. Ademais, un terzo das súas capturas e da facturación anual da súa actividade se concentra no período do verán, unha das épocas nas que o marisco adoita acadar mellores prezos.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
