Ribadeo, 26 de agosto, 2022. Cando o BNG de Ribadeo apostou de xeito decidido por levar a cabo unha política seria de prevención contra o lume, algunhas persoas saíron en tromba a criticar ao alcalde de Ribadeo, Fernando Suárez Barcia, inventando mil e unha lerias con tal de desgastalo. Hai quen pensaba que a trola de que os do bipartito ían expropiar os montes aínda lles ía funcionar dez anos despois. A actitude de Fernando Suárez Barcia, de todo o grupo municipal do BNG, foi valente e firme: as leis están para cumprilas. E se os nugalláns que as fan non son quen de cumprilas, porque as aproban para quedar ben, haberá que levalas á práctica, sobre todo naquilo en que sexan beneficiosas para o ben común.
Lembremos que a normativa aprobada ao respecto era ben clara: Lei 3/2007, do 9 de abril, (Lei de Incendios de Galicia); orde do 31 de xullo de 2007 da Consellaría do Medio Rural pola que se establecen os criterios para a xestión da biomasa vexetal; INSTRUCIÓN 1/2018, do 26 de abril, relativa ás actuacións administrativas en materia de cumprimento das obrigas de xestión da biomasa vexetal e retirada de especies arbóreas impostas pola Lei 3/2007, do 9 de abril, de prevención e defensa contra os incendios forestais de Galicia; a Lei 6/2011, do 13 de outubro, de mobilidade de terras, e a Lei 7/2012, do 28 de xuño, de montes de Galicia. Pois esta manda de gobernantes, co señor Feijoo á cabeza, e o señor Rueda, de actor secundario, ben pouco fixeron para que fora aplicada. É máis, ben voltas que lle deron ao concello de Ribadeo cando desde aquí queriamos que se levara á práctica.
O Concello púxose mans á obra e aprobou unha ORDENANZA MUNICIPAL para a prevención de incendios forestais e a salvagarda das condicións de limpeza, ornato, salubridade e seguridade dos terreos pola que se regulan as plantacións arbóreas, as obrigas de xestión de biomasa e os usos do lume no solo urbano, de núcleo rural e urbanizábel do concello de Ribadeo. Así, desde outubro de 2017 comezouse a identificar as parcelas que non cumprían co establecido pola Xunta na súa normativa sobre prevención de incendios.
Entre outubro de 2017 e maio de 2018 dirixiuse en varias ocasións á Consellaría de Medio Rural para solicitarlle apoio na posta en práctica destas medidas preventivas. A lei obriga á Xunta a prestar ese apoio aos concellos cando estes non dispoñan dos medios necesarios para levar a cabo tal labor de control e seguimento. Agora ben: a Xunta, ou respondía a última hora, ou daba a calada por resposta. Aínda así, o Concello seguiu adiante co seu empeño por adoptar medidas serias de prevención do lume. E os seus froitos ben se ven.
A firme actitude do BNG de Ribadeo, co seu grupo de goberno no concello de Ribadeo e o alcalde, Fernando Suárez Barcia, non só deu os seus froitos no ámbito local, senón que, ademais, serve de modelo para outros concellos e comarcas. O traballo do BNG de Ribadeo, non é o dunha pequena aldea que resiste aló na esquina oriental da provincia; somos unha organización que pensa no pais en conxunto, e os nosos homes e mulleres que nos representan en distintas institucións, levan as nosas propostas a outros ámbitos para darlle máis proxección. Ben sexa na Deputación Provincial de Lugo, onde compartimos responsabilidades de goberno, ben sexa no Parlamento Galego, onde exercemos labores de oposición, o noso traballo político permite visibilizar as nosas propostas e sacar adiante iniciativas que deron bos resultados.
Por moito que a política informativa do PP e do goberno do señor Rueda queiran ocultar o gravísimo problema que padecemos este verán co lume, ben podemos deitar en Ribadeo da actitude preventiva que adoptamos; ver como houbo xente no noso país, e no resto do Estado, que tivo que abandonar as súas casas e agardar angustiosamente se as perdía ou non pasto do lume, é moi duro. Comprobar que as brigadas forestais aínda non estaban contratadas a mediados de xullo porque, segundo esta manda de espabilados, na Galiza o lume non comeza até Agosto, é indignante. Aprendamos a lección e teñamos memoria cando corresponda renovar o Parlamento de Galiza.
Mentres tanto, o labor do BNG de Ribadeo seguirá apostando pola prevención do lume e a potenciación da vida no rural. Velaí a proposta da nosa deputada provincial e membro do goberno municipal do BNG en Ribadeo, Mónica Freire Rancaño. Na área de Medio Rural que ela xestiona na Deputación, propuxo o programa de prevención de incendios “O que non arde”, no que se persegue a multifuncionalidade do monte.
Este programa céntrase no pastoreo preventivo, así como na elaboración de plans de aproveitamento silvopastoril, coa fin de manter libres de maleza as zonas de cortalumes e os terreos contiguos de protección. Trátase dunha actividade que incentiva a superficie agraria útil e tamén facilita a recuperación de terreos abandonados. O lume hai que apagalo cando prende. Pero temos que nos adiantar e prevelo xa desde o inverno, todo o ano. Hai que promover o uso produtivo do monte ligado aos usos tradicionais da gandaría extensiva ao tempo que se preveñen os incendios. Esa é a mellor política preventiva.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
