No Partido Popular din que “houbo unha enorme falta de servizos, porque o goberno local non quixo facer o que lle dixemos no seu momento, que era que deseñara e executara un plan de emprego, para levar adiante todos as obrigas municipais para tanta xente como houbo en Foz”
Foz, 29 de agosto de 2022. O socialista Francisco Cajoto non acaba de superar a fase de prácticas á fronte do Concello e un verán máis Foz deu unha mala imaxe a causa da deficiente xestión do goberno local que preside. O portavoz popular, Javier Castiñeira, lamenta ter que facer un balance negativo, pero di que o equipo de goberno non estivo á altura das circunstancias nestes meses nos que o pobo rexistrou unha gran cantidade de visitantes.
O portavoz popular sinala: “Dentro da acción política do PP, no marco da labor de oposición do Partido Popular de Foz, a nosa intención é seguir sumando a prol do concello de Foz. Por iso, lamentamos ter que facer unha valoración, deste verán e da labor do equipo de goberno, francamente negativa, porque non houbo máis que improvisación, parálise e obras de pequena envergadura, pero interminables, que crearon o caos circulatorio no núcleo urbano”.
Castiñeira declara: “Houbo unha enorme falta de servizos, porque o goberno local non quixo facer o que lle dixo o PP no seu momento, que era deseñar e executar un plan de emprego, para levar adiante todos as obrigas municipais para tanta xente como houbo en Foz”. Engade: “A presencia de moita xente xogou en contra deste equipo de goberno, porque non foi capaz de dar os servizos adecuados. Non hai máis que ver a falta de limpeza que houbo no pobo, cos contedores desbordados e sen persoal para limpar; houbo falta de persoal en moitos servizos como en socorrismo, nas obras e na recollida de lixo ou a xardineiría”.
Os populares aseguran que este verán “non houbo planificación ningunha por parte do Concello; foi unha improvisación absoluta do señor Cajoto, que non atendeu ás propostas que lle fixo o PP antes do verán”. Este verán, di Castiñeira, “debía ser o da recuperación e foi o da mala imaxe, do caos e da parálise”.
Castiñeira asegura que na zona rural “hai innumerables queixas con respecto ao equipo de goberno, entre outras cousas, por falta de levar a cabo rozas e pola falta de implicación no que é a vida das parroquias”.
Castiñeira aclara que o balance que fai é o do PP, pero responde “ao que escoitamos á xente, tanto aos visitantes como aos veciños de Foz, e, en especial, a todos aqueles que organizaron eventos e sufriron a falta de planificación por parte do equipo de goberno”. Está convencido de que “o que salvou os mobles foi o compromiso e a profesionalidade do persoal municipal, que se esforzou máis que nunca para manter a mellor imaxe posible do Concello de Foz; tamén ás asociacións e comisións de festas, que volveron á normalidade polo seu esforzo e non polos méritos do equipo de goberno, que sigue a ser un goberno en período de probas”.
O portavoz popular sinala: “Queda un ano de mandato e lamentamos que o goberno local non usara as melloras que houbo tanto nos orzamentos como no financiamento de moitas actividades, de maneira que repercutira nun bo funcionamento do grupo de goberno”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
