Ribadeo, 3 de setembro de 2022. Varias compañías de telefonía activarán nos vindeiros días a rede móbil de nova xeración en Ribadeo. Esta nova tecnoloxía permitirá gozar de servizos de datos móbiles de alta velocidade, mellorará a cobertura no interior de edificios e ampliará a extensión xeográfica.
Esas compañías advirten que “si a veciñanza de Ribadeo detecta algún tipo de problema na visualización das canles de TDT poden poñerse en contacto ao longo dos vindeiros seis meses no seguinte correo electrónico ayuda@llega700.es ou no teléfono 900 833 999”, explicou o alcalde de Ribadeo.
Fernando Suárez lembrou que “as operadoras de telefonía móbil, Telefónica, Vodafone e Orange, veñen de comunicarnos que comeza en Ribadeo o proceso de implantación dos servizos de telefonía móbil de nova xeración, tanto de 4G como de 5G, sobre as bandas de 800 e 700 MHz, respectivamente, o que permitirá aos ribadenses gozar de conexións móbiles de alta velocidade cunha mellor cobertura no interior dos edificios e maior extensión xeográfica por todo o noso concello”.
O rexedor indicou que “esta nova rede de telefonía móbil suporá algunhas melloras fundamentais. A primeira é que resolve diversos problemas relacionados coas orografías presentes no noso territorio e a segunda é esta grande penetración en zonas interiores dos edificios. Pero ademais disto tamén nos informan de que quizais agora no inicio da implantación destas novas tecnoloxías poida haber algúns problemas de interferencia coa TDT actual. En todo caso si teñen algún problema, que contacten coa empresa ou que se acheguen polo Concello porque tamén os podemos orientar”.
E engadiu que “isto vai ser unha boa cousa para as veciñas e dos veciños de Ribadeo”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
