O portavoz popular na Deputación, Javier Castiñeira, considera que a chapuza na estrada LU-P 1906, demostra unha vez máis que o presidente provincial, José Tomé, ten que renunciar a asumir a dirección de Vías e Obras
Lugo, 22 de setembro de 2022. O goberno provincial non trata igual a todos os municipios da provincia, que é tanto como dicir que discrimina a algúns lucenses fronte a outros. É un feito que é así. Pero hai manifestacións que resultan especialmente significativas e dolorosas para os veciños afectados. O presidente da Deputación, o socialista José Tomé, debeu renunciar hai xa moito tempo a exercer ademais a delegación de Vías e Obras, pero agora xa é inaprazable que renuncie a asumir a responsabilidade neste terreo. Así o entende o portavoz popular, Javier Castiñeira, á vista da discriminación a que someteu Tomé aos veciños de A Fonsagrada e de Ribeira de Piquín no amaño da estrada que comunica estes dous municipios. A diferencia do que fai a Deputación na maior parte das súas estradas, neste caso limitouse a parchear con rego asfáltico a calzada, en vez de pavimentar esta vía, como as outras, con aglomerado en quente. O portavoz popular no Concello de A Fonsagrada, Josín Regueiro, lamenta que o alcalde, Carlos López (PSOE), permita ao seu correlixionario Tomé tal discriminación dos veciños deste municipio.
O portavoz do Partido Popular na Deputación, sinala: “O grupo Provincial do PP visitou A Fonsagrada, xunto con voceiro do PP en este municipio, Josín Regueiro, para ver como quedaron os arranxos que se fixeron na estrada provincial LU-P 1906, entre A Fonsagrada e Ribeira de Piquín, cuxo mal estado denunciou o Partido Popular hai ano e medio aproximadamente. Nesta vía, a Deputación vén de gastar case 100.000 euros. E o desgusto é maiúsculo non só para o PP senón para todos os veciños, porque existe un agravio enorme con outras localidades, porque o único que se fixo foi un parcheado, con rego asfáltico, e non unha pavimentación completa con aglomerado en quente como se fai noutras localidades e como pedía o PP”.
Castiñeira explica que a LU-P 1906 “é unha estrada de montaña, na que no inverno haberá xeo”, polo que é necesario que teña o mellor firme posible. Os populares pediran no seu día a instalación de biondas. Castiñeira explica: “Quedou moita grava solta, o que é un perigo para o tráfico, e as necesarias biondas instaláronse de tal maneira que estreitan moito a calzada e carecen da protección para motoristas; é unha situación totalmente inaceptable”.
O portavoz popular anuncia: “O grupo provincial do PP, a petición do PP de A Fonsagrada, levará unha iniciativa ao pleno da Deputación para que se corrixa canto antes o actual estado da estrada e se fagan os arranxos como debe ser para a seguridade dos usuarios”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
