Ribadeo, 23 de setembro, 2022. O día 4 de agosto o BNG chamou ás veciñas e veciños de Ribadeo a unha concentración diante do Centro de Saúde en defensa da atención primaria e da sanidade pública. A grandísima participación puxo de manifesto a enorme preocupación e indignación por esta situación de abandono e deterioro. Como non se mellora, son moitas as persoas que demandan máis protestas.
Cada un sabe as súas, como reza o dito popular, mais cada vez sabemos mellor que o que ocorre non é nada persoal; trátase dun problema colectivo. A situación cada vez máis calamitosa é padecida e coñecida por máis persoas, ben porque lle toca directamente, ben porque lle toca a alguén de cerca.
Quen non coñece alguén que está nunha listaxe de agarda hai varios meses e non sabe cando a van chamar e para cando? Quen non tivo que esperar varios días para ser visto no seu centro de saúde? Quen non acabou desistindo e foi á privada, desembolsando unha boa cantidade por algo ao que ten dereito e xa pagou cos seus impostos? Quen non se viu na situación de non poder traballar por non acabar de solucionar os seus problemas de saúde?
Este verán, en Ribadeo soubemos moi ben como vai todo isto: houbo un momento en que no PAC había un médico para atender toda a área, que comprende tamén os concellos de Barreiros e Trabada, e os deprazados. En canto ás médicas de familia, de 7 estiveron traballando moitos días só 2; outras veces, 3 ou 4. As baixas médicas xa hai moito tempo que non se cubren; e as vacacións, tampouco. Tamén xa hai anos que non existe o reforzo no verán para as persoas desprazadas.
Non estamos só ante un problema para a saúde e a vida das persoas. É tamén un problema laboral, pois a non atención sanitaria en boas condicións e coa necesaria celeridade fai que moitos traballadores pasen máis tempo do debido de baixa, ou sen poder incorporarse a un posto de traballo, coa conseguinte penuria ou merma económica para elas e gasto para a Seguridade Social.
Non debemos esquecer a situación pola que pasan as traballadoras e traballadores da sanidade, con xornadas maratonianas, moito estrés ao non ter suficiente tempo para cada paciente, e condicións de traballo pouco dignas nun grande número de casos. Levamos anos demandando mudanzas na formación dos nosos profesionais e na mellora das condicións laborais, sempre coa finalidade de ter suficiente persoal e evitar que busquen fóra o que aquí non encontran. Mais as políticas sanitarias do Partido Popular sempre foron por outro camiño, e sempre, dunha maneira ou outra, acaban beneficiando a sanidade privada, que cada día agranda a súa capacidade e beneficios. Queren que a nosa saúde, a nosa vida, sexa un negocio, e que nós paguemos dúas veces polo mesmo dereito.
As protestas e demandas seguen: o día 27 deste mes recolleranse asinaturas, diante do centro de saúde, para conseguir levar e debater no Parlamento de Galicia a “Iniciativa Lexislativa Popular sobre medidas urxentes para a Atención Primaria”, ILP que simpulsou a Plataforma pola Sanidade Pública e SOS Sanidade Pública. Asimesmo, o BNG de Ribadeo convocará unha nova concentración de protesta o día 6 de outubro. Temos que facernos valer, tanto a nivel individual, facendo as correspondentes reclamacións, como colectivamente.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
