No PP queren que Tomé traslade ao Goberno central a total preocupación dun sector tan importante como é o pesqueiro, “que pode estar vendo o final da súa existencia”
Lugo, 27 de setembro de 2022. A decisión da Comisión Europea de expulsar dos caladoiros habituais aos barcos de pesca de fondo constitúe unha gravísima ameaza para o sector en Galicia e sinaladamente na provincia de Lugo. O PP defenderá no pleno que celebra a Deputación esta mañá unha moción en defensa do sector pesqueiro. O portavoz popular, Javier Castiñeira, expresa a súa alarma polo silencio mantido ata agora polo presidente provincial, o socialista José Tomé. Castiñeira di: “Non entendemos como o señor Tomé permanece escondido novamente e unha vez máis diante dos graves problemas do tecido económico lucense. Fai agora o mesmo que fixo con Alcoa, que non foi capaz de servir como enlace entre o sector industrial de Lugo e o Goberno; ao contrario xustificaba a nefasta estratexia enerxética que prexudica aos intereses de Alcoa e de todos os traballadores, e agora fai exactamente o mesmo co sector pesqueiro”.
Os populares sinalan: “Non sabemos onde está o señor Tomé, porque nin se puxo en contacto cos representantes dos portos lucenses nin fai ningunha xestión para que o Goberno, o Ministerio de Agricultura e Pesca, tome as medidas necesarias para atallar este agravio que se fai á frota lucense”.
Castiñeira engade: “Temos un presidente da Deputación que o único que fai é xustificar as malas xestións do Goberno presidido por Pedro Sánchez, e, polo contrario, criticar á Xunta, que nestes casos, tanto na enerxía como na política pesqueira comunitaria, non ten os medios adecuados e ten que ser o Estado o que tome as medidas correspondentes”.
O portavoz popular adianta: “Neste pleno imos pedir ao señor Tomé que saia da súa cova e que defenda ao sector pesqueiro; queremos que traslade ao Goberno central a total preocupación dun sector tan importante como é o pesqueiro, que pode estar vendo o final da súa existencia, por decisións tomadas por medioambientalistas, sen dispoñer de estudos socioeconómicos e pensando única e exclusivamente en temas que nada teñen que ver coa realidade de A Mariña”.
No PP queren “un presidente da Deputación que defenda ás nosas empresas, aos nosos barcos, aos nosos mariñeiros e que o faga con contundencia e non como pasou con Alcoa que, a día de hoxe, sigue cos mesmos problemas”.
Outra das mocións populares ten como obxectivo que a Deputación renove o convenio coa Xunta para os Grupos de Emerxencia Supramunicipais e aporte a cantidade necesaria para a súa modernización. A este respecto, Javier Castiñeira declara: “Pedimos que a Deputación siga co compromiso que ten a Xunta para a modernización dos GES. A Deputación ten conxelada a axuda aos concellos para estes grupos, o que levou a que algúns deles, algún con alcalde socialista como o de A Fonsagrada, ou un alcalde ex socialista como o de Becerreá, renunciaran aos GES, algo co que estamos en total desacordo”. Engade. “Estes grupos son moi necesarios especialmente nas emerxencias en concellos pequenos e resulta inaceptable que na zona de A Montaña os alcaldes renunciaran a eses grupos, porque vai en prexuízo dos veciños”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
