Desde Greenalia e o Burela Fútbol sala destacan os principais valores deste club, que conta con múltiples galardóns pola súa defensa en pro da igualdade en todos os ámbitos
Burela, 1 de outubro, 2022. A produtora de enerxías renovables Greenalia, con sede na Coruña, patrocinará ao Burela Fútbol sala feminino durante a tempada 22/23. Unha colaboración que terá un investimento de 15.000 euros e que se enmarca na estratexia de sustentabilidade da compañía, tal e como quedou reflectido o en acto de firma de hoxe na sede do club deportivo en Burela (Lugo).
O convenio asinado hoxe entre Manuel Blanco Fanego, presidente do Club burelense, e a directora de Sustentabilidade e Desenvolvemento Corporativo da compañía, Beatriz Mato, constitúe un paso máis na aposta de Greenalia polos valores intrínsecos ao deporte de equipo. “É unha excelente oportunidade poder apoiar a un club como este, cunha traxectoria de referencia na defensa da igualdade”, destacou Beatriz Mato.
Ademais dos propios valores do deporte, en Greenalia, explicou Mato, compartimos co club burelense os 5 Obxectivos de Desenvolvemento Sostible (ODS) que forman parte da estratexia deste equipo: educación, igualdade, loita contra cambio climático, o coidado dos nosos bosques e mares e un estilo de vida saudable.
Pola súa banda, o presidente do club, Manuel Blanco, destacou que “con esta unión demóstrase a visibilidade que ten o noso deporte, atraendo a empresas de diferentes sectores e de diverso tamaño e tan importantes como o é Greenalia”. “Estamos encantados de que unha compañía referente en Galicia e noutras partes do mundo forme parte do noso proxecto”. “Temos ilusión neste camiño que empezamos xuntos e que esperamos que sexa unha relación frutífera que dure moito tempo”.
O apoio a proxectos locais naquelas enteornos nos que opera é un eixo do Plan de Sustentabilidade de Greenalia, compañía que ten un forte compromiso coa industria da Mariña lucense, como quedou reflectido co acordo asinado con Alcoa para a subministración de enerxía verde para a súa planta de San Cibrao e coa carteira de proxectos en tramitación, que significarán un importante investimento nos próximos anos.
Unha longa traxectoria deportiva
Con máis de 20 anos de traxectoria na elite do fútbol sala nacional, e máis de 12 apostando polo deporte feminino, o Burela Club de fútbol conseguiu nos 4 últimos anos alzarse con 20 títulos. Convertéronse nun referente para menores de toda España e outros países europeos. Foi distinguido coa Medalla Castelao, o máis alta honra co que se pode premiar a unha entidade ou persoa en Galicia.
É un club pioneiro no desenvolvemento dun convenio para as súas xogadoras, que traballan diariamente por ser máximos expoñentes do valor do deporte na sociedade. Un modelo polo que foi galardoado como mellor club feminino do mundo nas dúas últimas convocatorias dos Futsal Awards.
Sobre Greenalia
Greenalia é un produtor independente de enerxía exclusivamente con tecnoloxías renovables. A empresa usa só vento, sol e biomasa forestal, de restos de curtas de plantacións certificadas, para xerar electricidade en harmonía coa natureza, achegando emprego e innovación nas zonas onde desenvolve a súa actividade.
A organización está presente en cinco tecnoloxías: Eólica Onshore e Offshore, Solar Fotovoltaica, Almacenamento e Biomasa onde está integrado verticalmente desde a orixe da materia prima ata a produción da enerxía eléctrica.
Greenalia ten a súa sede na Coruña, con actividade en Europa e en USA.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
