Monterroso, Alfoz, O Vicedo e Cospeito tamén acollerán funcións ao longo do mes de outubro
Lugo, 20 de outubro de 2022. O circuíto de teatro profesional da Vicepresidencia da Deputación de Lugo chega esta fin de semana a Bóveda, San Paio de Narla (Friol), Cangas (Foz) e Guitiriz , con obras de A compañía solitaria do Dr. Monifate, Bátega, Producións Señor López e Mircromina Títeres
Representacións en outubro calendario e notas sobre as obras
21 DE OUTUBRO | 20:00h | CENTRO SOCIOCULTURAL (BÓVEDA)
A Compañía Solitaria do Dr. Monifate presenta Badman: Un home malo
“Carpet show”, monólogo e concerto. Público maior de 16 anos.
SINOPSE
Un home acepta e confesa a súa maldade despois de anos tentando converterse nunha boa persoa. Aínda que xa hai tempo que se descartou a frenoloxía como ciencia seguimos empregando os seus patróns de xeito inconsciente. Nacemos xa con tendencias cara certos comportamentos? Somos malas persoas disimulando para poder convivir? Somos bos e alguén nos perverte? Podemos prescindir totalmente da maldade? Unha peza sobre unha alfombra con aproximacións á comedia e ao monólogo (cómico?) dende unha perspectiva filosófica. Cancións e música para suavizar o mal, ou para darlle énfase. Un diálogo co público no que, contrariamente ós pezas que “dialogan co público” permítese que o público responda e fale. Unha perspectiva que cuestiona da bondade de todo o ben que facemos.
Dirección: Gustavo Fouce.
Actor e músico: Gustavo Fouce.
Duración: 50 min.
22 OUTUBRO |17:30h | MUSEO FORTALEZA DE SAN PAIO DE NARLA (FRIOL)
Bátega representa O mundo de Martiña.
Público maior de 14 anos.
Martiña é unha nena moi curiosa e espilida, mais hai cousas que non logra entender, como, por exemplo, que as súas opinións sexan menos importantes que as dos adultos, nin por que ten que calar e obedecer sempre a papá, a mamá, ao pai Edelmiro, á tía Amparo… cando é evidente o trabucados/as que están acotío. Iso de que estean Deus, o Ratiño Pérez, os Reis Magos, ou o anxo da garda observandoa para xulgar o seu comportamento e premiala ou castigala, tampouco lle acaba de gostar. Na segunda metade do espectáculo, veremos a Martiña medrar. Verémola afrontar a regra, a paixón adolescente, a autoridade paterna ou o duro mundo laboral. Verémola sortear obstáculos e sacar conclusións. A través dun monólogo teatralizado, musicado e entretecido con cancións, Martiña enfrontarase á vida coas armas que vai descubrindo. O seu espíritu crítico e as súas dúbidas respecto do establecido nunca a abandoarán.
Autoría: obra propia da Compañía.
Dirección: Raquel L. Cendán.
Actores: Raquel L. Cendán e Pedro Insua.
Duración: 60 min.
22 DE OUTUBRO | 19:00h | CENTRO SOCIAL DE CANGAS (FOZ)
Producións Señor López presenta A viaxe do Señor López
Público familiar
O señor López é unha persoa solitaria, triste e gris. Un día calquera acontécelle unha desas cousas solitarias, tristes e grises tan características do mundo dos adultos e a partir dese momento todo cambia. Monta unha compañía de teatro. Aprende a contar chistes. Fala idiomas inventados. Viaxa nunha balsa por un mundo cheo de cores e alegría. O señor López convértese nun paxaro-inuit. Úneste á súa viaxe?
Autoría: Rubén Pérez Pombo.
Dirección: Rubén Pérez Pombo.
Actor: Rubén Pérez Pombo.
Duración: 50 min.
23 DE OUTUBRO | 18:00h | CASA HABANERA (GUITIRIZ)
Mircromina presenta Vacacións no mar
Teatro de títeres de luva e silueta, ao tradicional estilo da cachiporra.
Todos os públicos a partir de 3 anos.
A Marina encantaríalle viaxar polo mundo adiante. Un día, Moncho chegou a porto no seu veleiro “Ovos con patacas”, pero nun descoido o pirata Ollo Virollo tomou prestada a súa nave para botarse ao mar. Tras esta trepidante trama de acción… cumprirá finalmente Marina o seu soño de dar a volta ao planeta?
Dirección: Zoila Gulín e Ton Arenas.
Titiriteiro: Ton Arenas.
25 DE OUTUBRO | 17:30h | ESPAZO CULTURAL LORENZO VARELA (MONTERROSO)
Lîlâ Teatro presenta Duncan de Palleiro
Público infantil e familiar a partir de 3 anos.
Así é como transcorre un día na vida dun can, pero non dun can calquera. Trátase dun can moi especial que pertence a unha raza mítica, lendaria e con moito prestixio: a de Palleiro. Este can é Duncan de Palleiro, o príncipe das corredoiras. Duncan leva unha vida sinxela á beira do seu amo Aurelio e dos seus amigos, veciñas e rébanos de sempre, nunha pequena aldea no medio das montañas, chamada Oubidos, da que se sente moi fachendoso.
Duncan ama profundamente aos nenos e ás nenas, e alí onde vai leva consigo unha gran sorpresa que non deixa a ninguén indiferente. Amizade, amor e liberdade son as palabra que máis lle gustan a Duncan de Palleiro.
Dirección: Lîlâ Teatro
Actrices: Lines González e Lara Regueira.
Duración: 60 min.
28 DE OUTUBRO | 15:00h | CASA DA CULTURA (ALFOZ)
Ubú Teatro presenta “O vixiante dos soños”
Teatro con monicreque. Público familiar a partir de 3 anos
Sonólicus quere chegar á lúa desde pequeno. Busca no reflexo das pozas e dos espellos, sube ás caixas amoreadas e aos tellados, e tantos esforzos fai por conseguilo e tanto estira os brazos cara á lúa, que lle medran ata a deformidade. O seu empeño semella unha fantasía infantil da que a
nai é testemuño. Unha noite acaba de medrar e, non só acada o seu obxectivo de acompañar á lúa, senón que se converte para sempre no vixiante do sono e dos soños infantís.
Autoría: Ana Carreira.
Dirección: José Campanari.
Actrices e titiriteiras: Marga Portomeñe e Ana Carreira.
Duración: 45 min
29 DE OUTUBRO | 18:00h | CASA DA CULTURA (O VICEDO)
Mircromina presenta Vacacións no mar
Teatro de títeres de luva e silueta, ao tradicional estilo da cachiporra.
Todos os públicos a partir de 3 anos.
A Marina encantaríalle viaxar polo mundo adiante. Un día, Moncho chegou a porto no seu veleiro “Ovos con patacas”, pero nun descoido o pirata Ollo Virollo tomou prestada a súa nave para botarse ao mar. Tras esta trepidante trama de acción… cumprirá finalmente Marina o seu soño de dar a volta ao planeta?
Dirección: Zoila Gulín e Ton Arenas.
Titiriteiro: Ton Arenas.
30 DE OUTUBRO | 17:00h | CASA DA CULTURA DE MUIMENTA (COSPEITO)
Ubú Teatro presenta “O vixiante dos soños”
Teatro con monicreque. Público familiar a partir de 3 anos
Sonólicus quere chegar á lúa desde pequeno. Busca no reflexo das pozas e dos espellos, sube ás caixas amoreadas e aos tellados, e tantos esforzos fai por conseguilo e tanto estira os brazos cara á lúa, que lle medran ata a deformidade. O seu empeño semella unha fantasía infantil da que a
nai é testemuño. Unha noite acaba de medrar e, non só acada o seu obxectivo de acompañar á lúa, senón que se converte para sempre no vixiante do sono e dos soños infantís.
Autoría: Ana Carreira.
Dirección: José Campanari.
Actrices e titiriteiras: Marga Portomeñe e Ana Carreira.
Duración: 45 min
Ciclo de Teatro Profesional
O ciclo de teatro profesional da Vicepresidencia da Deputación inclúe 47 representacións de once compañías lucenses, que desde o pasado mes de agosto xiran polas comarcas con propostas escénicas para distintos públicos, desde teatro de títeres para público novo ata montaxes con música en directo na escena ou adaptacións teatrais de textos literarios como Poeta en Nova YorK. Participan no circuíto Trécola, Mircromina Teatro, Lîlâ Teatro, Ubú Teatro, Producións Señor López, Xamón Produción, Ítaca Teatro, Pínconús, Batega, Teatro Baixo da Area e A Compañía Solitaria do Dr. Monifate
O calendario, confeccionado coa colaboración de concellos e asociacións, inclúe representacións en Sarria, Quiroga, A Fonsagrada, Ribadeo, As Nogais, Lugo, O Saviñao, Guitiriz, O Vicedo, A Pastoriza, Burela, Sarria, Alfoz, Cospeito, Castroverde, Cospeito, Pol, O Páramo, Monterroso, O Valadouro, Becerreá, Foz, Guitiriz, Xove, Rábade, Monforte, Viveiro, O Corgo, Ribeira de Piquín, Friol, Sober, Begonte, Lourenzá, Muras, A Pobra do Brollón, Vilalba, Triacastela e Monterroso.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
