O portavoz popular, Javier Castiñeira, sinala que una vez máis queda claro “que non hai ninguén ao mando desta delegación tan importante, que afecta aos nosos veciños, especialmente do rural”
Lugo, 10 de novembro de 2022. É máis fácil sancionar que comprobar puntualmente como se desenvolven os traballos contratados pola Administración. A Deputación ten que aplicar sancións a empresas concesionarias do desbroce das estradas provinciais porque no seu momento a área da que é responsable o socialista José Tomé non efectuou controles eficaces. O portavoz popular, Javier Castiñeira, sinala que “as múltiples sancións que se impuxeron as diferentes empresas adxudicatarias dos desbroces das estradas provinciais demostran unha vez máis o fracaso da área de Vías e Obras da Deputación, e concretamente da nula xestión do señor Tomé, que, aínda que non o saiba, é o delegado responsable destes traballos”.
A tempada de desbroce foi, en opinión de Castiñeira, “un absoluto fracaso; se non se fixeron os traballos é necesario sancionar, pero non podemos chegar a este límite”. Engade: “O PP leva meses dicindo que non se están facendo os desbroces segundo os tempos programados; daquela os propios responsables da Deputación de Lugo apenas fixeron nada, chegou o final da tempada e vese que os traballos non están feitos”. De novo compróbase que “existe deixamento no control destas accións”. Os populares cren “que iso é debido a que non hai ninguén ao mando desta delegación tan importante, que afecta aos nosos veciños, especialmente do rural; neste caso, de O Vicedo, Viveiro, A Fonsagrada, Ferreira de Pantón, Ribeira de Piquín, etcétera, onde viron que non se cumprían as expectativas da roza das estradas provinciais”.
Castiñeira destaca que “nos pobos do rural ven como o señor Tomé só pisa as estradas cando se lles fai un arranxo, pero non se dedica a pisar o terreo e ver se os traballos se fan en boas condicións, sen esperar ao final para sancionar”. Di que “Tomé aínda está a tempo de cederlle a outro compañeiro, aínda que xa queden poucos meses, esa delegación; iríalle moito mellor a el e iríanos moito mellor a todos os lucenses”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
