A Xunta de Goberno da institución provincial aprobou presentar 5 proxectos a unha liña de axudas convocada polo Ministerio de Política Territorial, no marco do Plan de Recuperación, Transformación e Resiliencia do Goberno do Estado
Lugo, 2 de decembro de 2022. A Xunta de Goberno da Deputación de Lugo aprobou este venres a solicitude para concorrer a 1,5M€ de fondos europeos destinados a implantar proxectos pioneiros en materia de transformación dixital e modernización, a través dunha liña de axudas convocada polo Ministerio de Política Territorial, no marco do Plan de Recuperación, Transformación e Resiliencia do Goberno do Estado.
Así o anunciou na rolda de prensa celebrada esta mañá a voceira socialista do Goberno, Pilar García Porto, quen apuntou que a institución acóllese a esta subvención “coa finalidade de desenvolver 5 proxectos que facilitarán as xestións dos veciños e veciñas nos concellos, a través de propostas innovadoras, que mellorarán a prestación dos servizos públicos”, e que os fará, dixo, “máis útiles, áxiles e transparentes”.
As axudas solicitadas para implantar estas 5 accións irán destinadas ós concellos de menos de 20.000 habitantes que, no caso da provincia de Lugo, son todos menos o da capital.
Entre estas propostas, amosou García Porto o interese da institución de implantar un sistema dixital para a xestión das estradas da provincia, a máis extensa de España, con máis de 4.200 quilómetros, polo que “será un gran avance en materia de infraestruturas para facelas máis seguras e sostibles”.
“Coa solicitude destes fondos europeos, aspiramos a ser a primeira Deputación de toda España en contar con este sistema intelixente, que permitirá acceder, tanto ás administracións como aos cidadáns, a numerosa información de interese en tempo real, similar a un Google Maps”.
Esta ferramenta permitirá coñecer e notificar, entre outras moitas funcións, o estado das estradas, a intensidade do tráfico, ou incidencias en cada unha vías da provincia, “polo que supoñerá un instrumento moi útil para deseñar actuacións de mellora e acondicionamento, e para responder cunha maior axilidade e eficacia a calquera tipo de circunstancia que se produza na rede viaria”, explicou a Deputada. “Facemos unha aposta por seguir mellorando a mobilidade, unha das prioridades da nosa acción de Goberno, aproveitando as oportunidades que nos ofrecen as novas tecnoloxías”, engadiu.
Ademais desta iniciativa, a Deputación solicita fondos europeos para outros catro proxectos: un para a mellora da eficiencia dos servizos básicos da administración dixital dos concellos; outro para renovar equipamentos tecnolóxicos; un terceira actuación para crear oficinas municipais de prestación de servizos electrónicos aos veciños e veciñas; e outro para a implantación dun sistema de gravación para as sesións plenarias das entidades locais.
Colaboración co Club Fluvial de Begonte
Por outra banda, a Xunta de Goberno aprobou un convenio de colaboración a través do que a Deputación aporta máis de 52.000€ ó Centro de Iniciativas e Turismo do Club Fluvial de Begonte para que poida realizar melloras nas súas instalacións deportivas. O investimento inclúe a redacción do proxecto e a execución das obras, que consistirán na mellora das pistas multideporte e no subministro e instalación da rede e pintado nas pistas de tenis.
Con esta actuación, o Club poderá contar cunhas renovadas instalacións para a práctica deportiva e a celebración de eventos que o centro desenvolve nestas pistas, e que son de gran importancia e repercusión, como pode ser o Torneo Nacional de Tenis que reúne a deportistas de todo o país. Esta aportación económica “é unha nova mostra do apoio que dende a Deputación de Lugo lle prestamos a esta entidade, que contribúe de forma significativa á dinamización da vida social de Begonte”, apuntou a voceira socialista.
Contratos
A Xunta de Goberno aprobou este venres a licitación do contrato para o mantemento do servizo videovixianza das dependencias da Deputación, por un importe de 81.000€. Terá unha duración de dous anos, prorrogables por outros dous, a renovar de ano en ano.
Así mesmo, quedou aprobada a adxudicación por un importe de máis de 98.000€ do contrato para o mantemento da aplicación informática que constitúe a base de datos do Servizo de Xestión Tributaria e Recadación, así como o módulo do Servizo de Contabilidade e Contas da institución. A empresa adxudicataria é Ayuntamientos Soluciones Informáticas S.L.U, e a duración da prestación do servizo será de dous anos.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
