Compostela, 16 de decembro de 2022. A portavoz do Mar do Grupo Popular, Teresa Egerique, lamentou hoxe que o comisario europeo de Medio Ambiente, Océanos e Pesca, Virginijus Sinkevičius, volvera demostrar, nunha carta remitida a este grupo parlamentario, “a súa ofuscación no erro e eiva para o sector que supuxo a aprobación do novo regulamento que prohibe as artes de fondo, amosando unha clara diverxencia entre a opinión do comisario e a realidade da Europa pesqueira”.
En resposta á carta remitida a principios do pasado mes de outubro, o comisario Sinkevičius afirma que “estamos iniciando un proceso” e que “unha vez que se teña emitido un novo ditame científico, solicitaremos o ditame do Comité Científico, Técnico e Económico de Pesca”. “A realidade é que a decisión da Comisión Europea non inicia un proceso, senón que culmínao e leva por diante a frota de artes de fondo”, sinalou Egerique.
QUE PROSPERE A ACCIÓN XUDICIAL
Neste sentido, a portavoz popular critica que “a Comisión Europea vai facer agora o que tiña que ter feito antes, corrixindo o camiño que andiveron pero, lamentablemente, xa é demasiado tarde”. “Que fagan propósito de emenda e inicien a revisión desta situación, xusto o día que remata o prazo para interpoñer o recurso por parte do sector, evidencia mala fe e pouca empatía con quen traballa duramente no mar para saír adiante cada día”, indicou Teresa Egerique, quen lamentou que “non podemos esperar menos dun comisario verde ás ordes dun vicepresidente socialista da Comisión”, polo que “agardamos que prospere a acción xudicial e se tombe este desastre administrativo e normativo”.
Na carta recibida hoxe, o comisario europeo afirma que houbo “unha serie de reunións cos Estados membros, os consellos consultivos e as partes interesadas, aos que se informou de todos os aspectos técnicos relacionados co ditame científico en que se basea o acto de execución”. “Algo que non é real porque so se tivo acceso a coñecer as zonas prohibidas cando xa estaba en marcha o proceso de aprobación”, replicou Teresa Egerique
“Pero é que, ademais, non pode dicir que o acto de execución baséase nun ditame científico que ten en conta a actividade pesqueira, porque os propios científicos recoñecen que carecían de datos dalgunhas artes de pesca e cando a evidencia é que dana de forma dura a arte con menor, ou nulo, impacto sobre o fondo”, indicou a portavoz popular.
Por último, Egerique manifesta que o comisario “recoñece que ten un novo conxunto de datos que antes non tiña, polo que demostra que ou ben fallou a comisión ou os estados, pero o resultado é que a decisión adoptouse mal e os únicos que o están a pagar son os profesionais do sector pesqueiro”.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
