Viveiro, 18 de decembro, 2022. Unha muller resultou ferida, e tivo que ser excarcerada polos bombeiros, despois de saírse da vía o turismo que conducía ao seu paso polo concello lucense de Viveiro.
O accidente ocorreu ao fío das 14:00 horas de hoxe. Segundo a información facilitada ao 112 Galicia por unha persoa particular, a muller sufriu unha saída de vía mentres conducía pola Avenida Juan Navia Castrillón, á altura do número 19, e necesitaba axuda tras quedar atrapada no interior do vehículo.
A partir de aí, os xestores do 112 alertaron axiña aos aos Bombeiros de Viveiro, que acudiron ao lugar do accidente e fixeron uso do material de excarceración para romper un dos cristais e poder facilitar a saída da ferida polo maleteiro do turismo. Ata o punto tamén desprazáronse os axentes da Policía Local e efectivos de Protección Civil da localidade.
Unha vez rematadas as labores de excarceración, a condutora foi evacuada polos profesionais de Urxencias Sanitarias de Galicia-061 ao centro hospitalario de referencia.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
