Viveiro, 31 de xullo, 2026. O proxecto, a través do que os Grupos de Acción Local do Sector Pesqueiro (GALP) promoven o consumo de produto pesqueiro como hábito de vida saudable, levou a vilas de toda a costa galega diferentes actividades como xornadas técnicas con especialistas médicos, visitas a centros de saúde e demostracións de cociña ao vivo. Tamén se celebraron sorteos entre as persoas consumidoras para degustar produtos do mar e repartíronse vales de desconto para empregar nos establecementos de venda adheridos.
Pesca Saúde vén de completar un intenso cuadrimestre de actividades que percorreu a costa galega de norte a sur para achegar á cidadanía os beneficios do consumo de peixe, marisco e outras especies do mar. Entre abril e xullo, a iniciativa combinou xornadas técnicas cun enfoque médico-científico e visitas informativas a centros de saúde, onde tamén se están a emitir os vídeos promocionais da campaña. Xa no mes de xullo, sete demostracións de cociña en vivo (showcooking) reuniron a máis de trescentas persoas, poñendo o broche a esta primeira fase da campaña, centrada na difusión dos beneficios nutricionais de peixe, marisco e outras especies mariñas, así como na importancia do consumo de produto de proximidade a través de 117 establecementos adheridos en toda Galicia.
Despois dun último evento neste verán, a visita da foodtruck Pesca Saúde o 29 e 30 de agosto no Pantín Classic (Valdoviño), as actividades de Pesca Saúde reanudaranse no outono, cando se celebrarán os obradoiros prácticos de Batchcooking impartidos por profesionais da cociña. O batchcooking é unha técnica pensada para aproveitar o tempo de cociñado e reducir o desperdicio alimentario. Nestes obradoiros, ensinarase ás persoas a planificar os seus menús semanais incorporando produto pesqueiro nas súas elaboracións de xeito sinxelo. As persoas interesadas en participar deben permanecer atentas ás redes sociais dos GALP, onde se anunciarán as diferentes convocatorias, para as que será precisa a inscrición previa.
Sorteos e demostracións de cociña ao vivo nas prazas de abastos
A fase máis recente do proxecto centrouse en sete demostracións de cociña en vivo celebradas en prazas de abastos, mercados e locais de asociacións de sete vilas galegas ao longo de xullo, nas que participaron máis de 300 persoas, da man de cociñeiros e cociñeiras de prestixio: A Artesa da Moza Crecha, O Cangrexal, Miguel Silvarredonda, A Casa do Tello e Rosalía, Miguel Mosteiro, Nieves Martín da Escola de cociña «Cousiñas» e Ana Martínez Arruñada, da Escola de Hostalería IES de Foz.
No contexto destes obradoiros celebráronse os sorteos de degustacións de produto pesqueiro en establecementos de hostelería. Rexistráronse 1.348 sobres participantes que tiveron que reunir os seus tiquets de compra nos comercios adheridos. As persoas gañadoras poderán degustar un menú nalgún dos establecementos que participarán na seguinte fase do proxecto: Come o mar, come saúde, centrada na restauración. Nesta acción, coa colaboración dun equipo de nutricionistas, elaboraranse menús personalizados e adaptados a cada establecemento participante en función dos produtos locais e de tempada, poñendo o foco nas súas propiedades nutricionais.
Durante todos os eventos de Pesca Saúde repartíronse ademais vales de desconto de 5 euros, aplicables directamente na compra nas 117 peixerías adheridas repartidas por toda a costa galega —cuxo prazo de validez se ampliou ata o 31 de xullo— así como receitarios e guías de propiedades nutricionais. Todos os materiais da campaña pódense descargar tamén na web do proxecto, pescasaude.gal.
Un proxecto con base científica
Pesca Saúde nace como resposta ao descenso progresivo do consumo de peixe fresco e ao avance dos ultraprocesados na dieta habitual, unha tendencia asociada ao aumento de enfermidades cardiovasculares, metabólicas e inflamatorias. O proxecto defende que promover o consumo regular de peixe galego non é só unha cuestión dietética, senón unha estratexia de saúde pública apoiada na evidencia científica, dado o seu papel na saúde cardiovascular, cerebral, ósea, muscular, inmunitaria e metabólica.
A iniciativa está financiada polo Fondo Europeo Marítimo, de Pesca e de Acuicultura (FEMPA) a través da Consellería do Mar, e nela participan sete GALP que cobren boa parte do litoral galego: Ría de Vigo-A Guarda, Ría de Pontevedra, Ría de Arousa, Costa Sostible, Costa da Morte, Golfo Ártabro Sur e A Mariña-Ortegal. Conta ademais coa colaboración da Consellería de Sanidade, que une as Estratexias de Desenvolvemento Local Participativo (EDLP) dos GALP coa Estratexia Galega de Saúde Comunitaria 2023-2027.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
