A alcaldesa pide á oposición rigor e seriedade nas súas propostas
Barreiros, 3 de xaneiro de 2023. A alcaldesa de Barreiros, Ana Ermida, pídelle ao portavoz do Partido Popular “rigorosidade e seriedade na súa labor municipal, agora que está na oposición; xa que non as tivo cando estaba no goberno.” A rexedora realizou estas declaracións tras coñecer un comunicado de prensa no que Gómez Puente pide priorizar o arranxo dunha vía municipal en Cabarcos que está proxectada arranxar desde inicio do 2022.
Ana Ermida explicou que “ese camiño, que leva desde que o actual portavoz da oposición estaba no goberno sen arranxarse, está incluída no proxecto de arranxos viarios do Plan Único do 2022.” A alcaldesa explicou que o proxecto se elaborou en febreiro do 2022 e “licitouse por primeira vez en xuño dese mesmo ano, pero debido ao incremento nos prezos, a licitación quedou deserta e tívose que modificar o proxecto en setembro e volverse a licitar, adxudicándose o 16 de novembro”.
“Se o portavoz da oposición fixese o seu traballo e se molestase en mirar os expedientes e as actas dos órganos colexiados ás que ten acceso, vería que ese viario xa ten proxecto e que se comezará a arranxar á volta do parón de nadal que fan as empresas de construción”.
Polo abandono do PP no seu día, agora hai que facer unha forte inversión no camiño de Matomaior
O edil de obras, Antonio Veiga, manifestou que “ese camiño, unha pista da concentración parcelaria foi unha das prioridades na planificación de arranxo de viais, tal como se falou cos veciños afectados xa no seu día, e foi incluído no Plan Único da Deputación 2022 e vai actuarse nel nas próximas semanas, realizando unha forte inversión, pois dado o estado en que o deixou José Manuel Gómez cando estivo no goberno municipal, agora hai que facer unha intervención de calado con limpeza de cunetas por ambas marxes, con moitos m3 de zahorra e gravillón para rasantear a caixa e asegurar o firme, e regularizar o pavimento e aplicar rego con emulsión asfáltica e árido, tal como figura no proxecto, nunha lonxitude de vial de 270m e con unha anchura de 3m”.
“Unha vez máis o portavoz do Partido Popular na oposición en Barreiros volve a meterse na lama, metaforicamente, pero tamén realmente, pois é o hábitat no que acostuma a desenvolver a súa penosa labor política na oposición. Asombra o descoñecemento que ten da realidade e incluso da xeografía do concello despois de botar 16 anos no goberno municipal como tenente alcalde e concelleiro de medio ambiente. A última ocorrencia de José Manuel Gómez non é outra que ir retratarse a un viario no medio da lama, un viario que estaba desfeito nos dous últimos mandatos do PP sen que dedicaran nin un só céntimo para o seu arranxo nin adoptaran ningunha medida para impedir que se seguira deteriorando”, continuou.
O PP ten que deixar de manipular a realidade
Desde o goberno municipal recoméndanlle ao portavoz da oposición que se documente, que se informe e que solicite no concello os expedientes correspondentes para a súa consulta, e que se non os entende, os técnicos municipais poden aclararlle as dúbidas que teña; así como o goberno municipal e o concelleiro de obras, porque “desde a Alcaldía queremos tamén unha oposición leal e traballadora que coas súas demandas contribúa a mellorar o concello, pero o que non queremos nin queren as e os barreirenses é un portavoz da oposición que recurra á manipulación” manifestou a alcaldesa Ana Ermida.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
