ELFARERO
Ribadeo, 13 de xaneiro de 2023. O alcalde, Fernando Suárez, asegura que o acceso ao dominio público da Illa Pancha ten que estar aberto porque así o di lei e así o referendou a xustiza. Operarios municipais, acompañados pola Policía Local e polo propio rexedor, procederon esta mañá a retirar a cancela de entrada a ese espazo.
O rexedor contou que “estes feitos non son puntuais senón que se levan dando en todo este tempo dun xeito ou doutro, ben con reclamacións que recibimos no Concello de persoas que queren entrar e non poden. E un letreiro que puxo a Autoridade Portuaria hai un tempo advertindo que o paso era libre para todo o mundo non existe a día de hoxe e a Policía Local hoxe constatoume que non se podía acceder nunha hora prudente, ás dez menos vinte da mañá”.
Suárez Barcia manifestou: “entón dicir que Ribadeo non pode ser tratado así. Son uns irresponsables e desde logo a paciencia ten un límite. Non se pode privar do dominio público polo capricho dun concesionario que non cumpre coas súas obrigas, nin pola Autoridade Portuaria Ferrol-San Cibrao, que é a titular da illa, porque non está cumprindo o pactado. Todo canto diálogo, canta educación levamos posto en todo este proceso con todas as sentenzas gañadas e ao final un faise a pregunta ¿pero isto qué é? ¿onde vivimos?”.
Suárez Barcia insiste en que “o dominio público vai estar aberto porque o di a lei, non porque o diga o alcalde de Ribadeo, e porque o referendou a xustiza de maneira clara. Así que morto o can eliminouse a rabia, é dicir elimínase a porta e listo”.
O alcalde lembrou que “Intentei buscar composicións moderadas e consensuadas, pero isto non se pode permitir. Así que a partir de agora o concesionario poderá seguir cos seus quefaceres e o resto da cidadanía poderá seguir entrando como a lei manda e como a xustiza o referendou hai tempo”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
