Ribadeo, 12 de marzo de 2023. Deron comezo as obras na rúa Casa do Pobo, que supoñen un investimento de preto de 100.000 euros. Ata alí se desprazaron os concelleiros de Obras e Economía, Mónica Freire e Pablo Vizoso.
O edil ribadense explicou que “nestes días que deron comezo as obras nesta rúa céntrica, acercámonos ata aquí, ata a rúa Casa do Pobo, para comprobar como se están a desenrolar estes traballos de acondicionamento desta zona norte da nosa vila. Coa execución deste proxecto damos un paso definitivo para arranxar este viario que se atopaba en moi mal estado de conservación e que levaba moitos anos precisando unha mellora”.
Pablo Vizoso contou que “estivemos estes últimos meses cun intenso traballo técnico para elaborar o proxecto de acondicionamento desta rúa, e tamén dialogando coa veciñanza para poder plantexar unha actuación conforme ao plan xeral de ordenación municipal. Este contempla unha rúa de 10 metros de ancho. As veciñas e veciños da Casa do Pobo cederon as superficies necesarias para poder chegar a ese ancho, e por iso, hoxe é posible construír esta rúa moderna, cómoda, que contará con beirarrúas novas e aglomerado en quente. Instalarase tamén unha nova canalización de saneamento, mellorando a de abastecemento de auga, e soterraranse as liñas de enerxía eléctrica e telefonía. Tamén se colocará unha nova sinalización horizontal e vertical, e iluminación led”.
O concelleiro de Economía subliñou que “este proxecto ten un prazo de execución de 4 meses e medio e conta cun orzamento de case 100.000 euros”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
