No Partido Popular indican que o Concello, dado que se trata dunha emerxencia, debe actuar de oficio e, unha vez que coñeza ao propietario da finca, pasarlle a factura
Viveiro, 14 de marzo de 2023. A estas alturas, ninguén ten dúbida da falta de capacidade de xestión do goberno de Viveiro, en xeral, e de maneira especial da alcaldesa, María Loureiro (PSOE). A falta de xestión prexudica aos veciños en todos os ámbitos, pero cando as circunstancias son especiais, incluso xeradoras de potenciais riscos, e o goberno non actúa, ou é tan ineficaz que é como se non actuara, entón o problema vólvese moi grave. Así o indican no PP á vista de que o Concello non é capaz de actuar para remediar o problema que viven os responsables do restaurante Áncora de Celeiro. Un corremento de terra, procedente dun talude próximo, acumula toneladas de terra contra unha parede do edificio, de maneira que temen que poidan acabar caendo. O portavoz municipal do PP, Óscar Rodríguez, anuncia a presentación dunha iniciativa no próximo pleno para conseguir que o goberno local dea explicacións da súa falta de eficacia na xestión deste caso.
Os populares consideran inaceptable que dende o equipo de goberno do Concello se dea como escusa o feito de non localizar aos propietarios do terreo no que ocorreu o desprendemento. Din nesta liña que o Concello non ten que esperar a coñecer aos propietarios, porque pode actuar de oficio, e máis nun caso como este, no que a presión da terra pode poñer en perigo a estabilidade dunha das paredes do edificio. Por outro lado, indican que o Concello pode actuar por vía de emerxencia e subsidiaria, é dicir, asume os gastos da retirada da terra e, cando se coñeza de quen é o terreo, pásalle a factura.
No PP local critican a falta de acción por parte do goberno local, pese a existir, potencialmente, un risco e, en todo caso, danos para a economía do negocio, que, debido á acumulación de terra contra a parede, ten que manter pechado o comedor do restaurante.
Os populares anuncian a presentación dunha iniciativa para a súa inclusión na orde do día da próxima sesión plenaria, coa intención de que o goberno local explique que medidas tomou neste asunto e por que o Concello non actúa de oficio para retirar a terra acumulada contra o edificio do citado restaurante.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.