Ribadeo, 22 de marzo de 2023. A coordinadora de promoción local do PP de Ribadeo, Marta Saiz explica que “a actitude deste goberno do BNG deixa ben claro que actúan por simple electoralismo”. Neste sentido, Saiz fai referencia á visita do presidente da Deputación de Lugo, José Tomé, que rodeado do seu equipo de goberno formado polo PSOE e o BNG, “veu a supervisar a modo de inauguración unhas obras que están sen rematar” en relación á ponte da estrada de Vilela.
A coordinadora de promoción local di: “xa non queda moito para as vindeiras eleccións e a partir do 4 de abril entramos nese período de sombra no que xa non se pode inaugurar nada. E agora veñen a inaugurar obras sen rematar. Pero claro, como rematada non teñen ningunha obra, teñen inauguralas sen rematar”. Saiz subliña as promesas baleiras feitas polo goberno provincial en materia de estradas: “En catro anos non deron rematado a ponte da estrada de Vilela, esperaron tanto que chegan as eleccións e aínda está sen facer. Iso si, vimos ao presidente ben rodeado para sacar a foto, o que non vimos nin escoitamos foi un compromiso pola súa parte coa rede de estradas provinciais da súa competencia en Ribadeo”.
Desde o grupo municipal popular destacan que “tampouco se dixo nada de continuar co pavimentado pintado ata Vilela, nin escoitamos nada de Piñeira, Santalla ou da Devesa”. Ademais os populares resaltan a actitude do goberno do BNG, pois “non escoitamos tampouco esixirlles á Deputación de Lugo e ao seu presidente o compromiso coa rede de estradas. Raro nos parece que non teñan enviado algunha carta esixindo responsabilidades.”
A REDE DE ESTRADAS PROVINCIAIS, COMPETENCIA DA DEPUTACIÓN
O organismo provincial ten como competencia a atención todo tipo de incidencias que se producen nas súas estradas a calquera hora do día e calquera día do ano, desde as provocadas polas inclemencias meteorolóxicas, como nevadas e xeadas, ata desprendementos de terra ou danos provocados na vía por accidentes de tráfico.
Ademais, o servicio de vías e obras ten encomendada a xestión desta rede de estradas comprendendo tarefas de formación e actualización do inventario da rede, a redacción de proxectos de obras de construcións de novas estradas e de mellora de trazado, rehabilitación de pavimento e sinalización das existentes, así como actuacións para a conservación e reparación das vías que así o necesiten.
Por iso mesmo, desde o grupo municipal popular están fartos de que actúen prometendo para logo non facer nada. “ Non nos sorprendería que nos próximos días continúen coa promesa da estrada en Arante. Xa perdemos a conta das veces que prometeron e non fixeron nada. Isto non indica traballo, o que indica é un nerviosismo e desesperación evidente que os conduce a reunirse para supervisar unhas obras a modo de inauguración que non están rematas e prometer centos de veces o acondicionamento e arranxo das estradas das que teñen a competencia e que ao final non se vai a facer.”
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
