Os socialistas ven na “soidade e silencio” cos que cesou como tenente de Alcalde a “clara demostración de que ós traballadores públicos nin ós veciños lles gustan as malas artes” da aspirante popular á Alcaldía de Lugo
Lugo, 4 de abril de 2023. “O tempo coloca a cada un no seu sitio: o luns, José Ramón Gómez Besteiro volveu pola porta grande á primeira liña da política galega nun acto multitudinario na súa toma de posesión como delegado do Goberno, e a persoa que tentou acabar con el con artimañas mesquiñas, mentiras e inventos marchou pola porta de atrás”. Así valoran os socialistas da provincia a renuncia de Elena Candia ó seu posto como primeira tenente de Alcalde no Concello de Mondoñedo.
Os socialistas ven na “soidade e silencio” cos que cesou Candia a “clara demostración de que ós traballadores públicos nin ós veciños lles gustan as malas artes” da aspirante popular á Alcaldía de Lugo, “que sempre leva o xogo sucio á política e lle gusta enfangar”, como demostra “continuamente”, e como fixo levando os anónimos á xuíza expedientada Pilar de Lara que orixinaron a persecución contra Besteiro. “E, non só iso, mentiu negando que fora ela, ata que dende o PSdeG a deixamos en evidencia facendo público os documentos que demostran”.
Neste sentido, incidiron en que onte “intentou despistar sobre a súa responsabilidade directa na operación contra Besteiro, pero o único que demostrou é que nin ten ideas, nin ten equipo, pois comprou a un mercenario prometéndolle un alto cargo municipal”. “Foi un xesto á desesperada, tentando desviar a atención”.
“Non se fía dos seus”
“Candia non coñece a cidade e parece non fiarse moito dos seus compañeiros de partido, porque a súa aposta é intentar convencer con promesas laborais a persoas doutros partidos para que muden as súas conviccións por comenencia persoal. Xa o fixo no Páramo e en Samos, e agora anúnciao tamén en Lugo”.
Para os socialistas, “é unha vergonza que en pleno século XXI se anuncie como gran fito político a fichaxe dun tránsfuga a cambio dunha oferta laboral cunha alta remuneración. A única aposta de renovación de Candia é a renovación das fórmulas caciquís do PP de sempre, ás que engade o seu xeito mesquiño de entender a política”.
“Besteiro volveu á primeira liña da política nun acto multitudinario e cun ambiente de emoción, forza e ilusión, mentres Candia, con catro persoas entre o público, nin sequera falou para despedirse dos seus veciños nunha imaxe reveladora de que a popular deixa terra queimada alá por onde pasa”, recalcaron.
“Por moitos intentos que faga, xa non engana, nin despista a ninguén”, subliñaron, “a señora Candia está hoxe inhabilitada politicamente para ser candidata á Alcaldía”. “Seguimos esperando que teña a dignidade de rectificar e pedir perdón e, senón, debe irse da política porque non vale todo”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
