O goberno provincial deixa claro, segundo Balado, que os concellos que non son da súa cor política poden perder toda esperanza de recibir neste mandato fondos compensatorios da discriminación sufrida ata agora
Lugo, 15 de abril de 2023. PSOE e BNG mantéñense firmes na súa liña de dirixir a Deputación unicamente en beneficio dos concellos nos que gobernan. Unha vez máis a xunta de goberno aprobou convenios con varios concellos con gobernos afíns ao bipartito. Neste caso, o importe dos convenios totaliza 653.000 euros, que só benefician a sete municipios.
O viceportavoz popular, Francisco Balado, sinala: “Que o PSOE e o BNG usan a Deputación de Lugo máis para os seus fins partidistas que para atender ás necesidades da provincia e que fan un reparto sectario, témolo denunciado durante toda esta lexislatura. Non hai máis que mirar a rolda de prensa posterior a reunión da xunta de goberno de onte para ver como o bipartito entende que, para rematar a lexislatura, ten que seguir facendo o mesmo que fixo durante todos estes anos. Novamente é absolutamente sectario o reparto que leva a cabo”.
O mesmo portavoz popular explica: “Entendemos que nos concellos hai moitas prioridades que non se están valorando, que por non ser concellos da súa cor política non foron escoitados. Lamentámolo porque hai moitos veciños da provincia que non son tidos en conta por este goberno da Deputación de Lugo, sectario, que unicamente pensa en como beneficiar aos seus candidatos para as próximas eleccións municipais”.
Os populares denuncian o que consideran un feito gravísimo, “e máis aínda neste tempo, no que moitos concellos esperaban unha volta de torca definitiva, polo menos para verse compensados despois de tantos anos e de tantas xuntas de goberno nas que non foron tidos en consideración, pero seguen na mesma liña”.
Balado di: “Lamentamos moitísimo o que se lles fai a todos eses concellos que se ven prexudicados, que non parecen practicamente nunca nas xuntas de goberno e aos que apenas se reparten fondos, salvo os do Plan Único”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
