Ribadeo, 5 de xuño de 2023. Cun obradoiro de coctelería arrincaron esta tarde as actividades do Ribadeo Indiano 2023. Máis de 30 profesionais do sector hostaleiro asisten no Parador de Turismo a esta sesión, que é impartida por Marcos Martínez Iglesias, galardoado como mellor cocteleiro en 3 campionatos galegos, en 3 campionatos nacionais, nun campionato nacional de coctelería sen alcohol e nun campionato nacional GinTonic.
O concelleiro de Turismo e a presidenta de Acisa, Pablo Vizoso e Carmen Cruzado, déronlles a benvida aos asistentes, animáronos a gozar deste obradoiro no que os cocteles cubanos están a ser os protagonistas, xunto a outros pensados para a ocasión, “mantendo iso si, a esencia coa que naceu o Ribadeo Indiano, que non é outra que render homenaxe a aquelas persoas que un día decidiron subir a un barco na procura dun futuro mellor”.
E engadiron que “para seguir marcando a diferenza no Ribadeo Indiano é por iso que desde a organización programamos este obradoiro de coctelería”.
Vizoso Galdo e Cruzado Iglesias tiveron palabras de agradecemento para o cocteleiro Marcos Martínez e tamén para o Parador de Turismo de Ribadeo “por acollernos aquí e por colaborar con Acisa e co Concello sempre que lles plantexa unha idea deste tipo”.
Concelleiro de Turismo e presidenta de Acisa amosáronse satisfeitos “da boa acollida desta convocatoria á que se inscribiron 35 profesionais do sector hostaleiro de Ribadeo”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
