Ribadeo, 6 de xuño de 2023. Acisa Ribadeo únese á campaña Días Azuis da Federación Galega de Comercio e da Xunta de Galicia, na que se sortearán 12.000 euros premios repartidos en 24 tarxetas de 250 euros e en 40 de 150 euros cada unha.
O xerente de Acisa, Jesús Pérez, explicou que “desde Acisa queremos unirnos a esta campaña de dinamización comercial, que servirá para complementar a nosa propia axenda de actividades durante este mes de xuño, grazas ao sorteo de 12.000 euros en tarxetas de 150 e 250 euros. É importante destacar neste sentido, que esta campaña únese á do Rasca e Gaña, que ten en marcha a nosa asociación desde hai semanas e na que puxemos 15.000 premios en xogo”.
Pérez Prada contou que “o funcionamento da campaña dos Días Azuis é sinxelo, como todos os anos. O cliente rexistra a súa compra na web www.diasazuis.com, a través de móbil, tablet, pc…, ou lle poden axudar no propio establecemento a través da web www.diasazuis.com/comercios e desta forma o cliente terá dobre posibilidade de participar. É moi importante que o cliente garde ou fotografíe o tícket de compra. A través de Acisa case 100 negocios de Ribadeo participan nesta campaña comercial, que comezou onte 5 de xuño e que finalizará o 25 deste mes. Nesta campaña vanse sortear 24 tarxetas de 250 euros e 40 tarxetas de 150 euros”.
A presidenta de Acisa, Carmen Cruzado, subliñou que “esta é unha oportunidade moi interesante para os nosos clientes, xa que polas compras realizadas no comercio asociado a Acisa Ribadeo, poden optar a estes interesantes premios, e ademais poden utilizar os miles de premios que de seguro lles tocaron xa co noso Rasca e Gaña. Neste sentido gustaríanos recordar que o Rasca e Gaña segue en marcha ata o dia 23 de xuño. Sabemos que nalgúns locais aínda segue habendo rascas para solicitar polas compras feitas neles, pero agora chega o momentos de utilizalos antes de que finalice a campaña, e poder desfrutar dese desconto ou promoción tan interesante de cara á temporada de verán. Aínda quedan premios por repartir e como dixemos hai semanas, cando presentamos esta campaña, gustaríanos entregar os 15.000 premios que se puxeron en xogo”.
Cruzado Iglesias engadiu que “estas actividades estanse a compaxinar tamén coas vésperas e antevésperas do Ribadeo Indiano que onte daba comezo cun obradoiro de coctelería, e que son un aperitivo dos pratos fortes dos que xa en menos dun mes poderemos desfrutar”.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
