Esta iniciativa do Goberno protexe a viabilidade das salas de exhibición coa recuperación da asistencia dun amplo sector da cidadanía, ao tempo que contribúe a un envellecemento activo e saudable de dita poboación
Lugo, 22 de xuño de 2023. A subdelegada do Goberno en Lugo, Isabel Rodríguez, animou hoxe en Lugo ás salas de cine da provincia a adherirse ao Programa Sénior que leva a cabo o Ministerio de Cultura e Deporte, coa colaboración das principais asociacións do sector da exhibición, ten como obxectivo fomentar o acceso ao cine ás persoas maiores de 65 anos. Concretamente, esta iniciativa do Goberno de España, dotada con 10 millóns de euros, concede axudas directas ás salas de exhibición para sufragar parte do prezo das entradas que se expidan, de tal forma que un día á semana a entrada de cine tan só custe 2 euros para este grupo de idade.
Isabel Rodríguez visitou esta mañá os cines Yelmo da capital lucense, adheridos ao programa estatal, e destacou a incidencia deste programa cultural na provincia, chegando a máis de 97.000 veciños e veciñas maiores de 65 anos, un 30% da poboación da provincia de Lugo. Alí, intercambiou coa subxerente da empresa, Cristina Risueño, e co director do centro comercial As Termas, Esteban Patiño, as impresións desta primeira edición do programa estatal que protexe a viabilidade económica das salas de exhibición cinematográfica mediante a recuperación da asistencia dun amplo sector da cidadanía, xerando un hábito de consumo, ao tempo que contribúe a un envellecemento activo e saudable de dita poboación.
Neste senso, a subdelegada explicou que as persoas maiores de 65 anos son os que máis están a tardar en retomar os hábitos de asistencia ao cine previos á pandemia. Así, obsérvanse notables diferenzas entre franxas de idade: se o 49,3% dos mozos de 20 a 24 anos acudiu polo menos unha vez ao ano ás salas de cine entre 2021 e 2022, esa porcentaxe cae ata o ao 6% na poboación de máis idade.
Os cinemas participantes terán que comunicar o prezo ordinario da entrada dese día, e o Ministerio de Cultura abonará a diferenza entre ese prezo e os 2 euros que pagarán os maiores de 65 anos, ata un máximo de tres euros por entrada vendida. As salas de cine interesadas en sumarse ao Programa Sénior poden tramitar a súa adhesión a través da páxina web. O prazo remata este venres, 23 de xuño, ás 23:59 horas.
Sector fundamental para a economía
De todos os sectores culturais, o cine é un dos máis afectados, aínda hoxe, pola pandemia. As medidas sanitarias tomadas por mor da COVID-19 provocaron un importante descenso na asistencia media ás salas de cinema no público español, unha asistencia que non termina de recuperarse. A pesar dos repuntes experimentados en 2022, o sector aínda se atopa aproximadamente cun 40% menos de espectadores en relación coa media dos anos 2017 ao 2019.
Cunha medida destas características, o Goberno quere seguir fomentando o acceso á cultura audiovisual do conxunto da poboación española, un motor de transformación e de desenvolvemento social e económico, capaz de xerar riqueza e emprego.
Bono Cultural Xove
Isabel Rodríguez aproveitou o acto para lembrar que os mozos lucenses nados en 2005 xa poden solicitar o Bono Cultural Xove, con 400 euros destinados á adquisición e o goce de produtos, servizos e actividades culturais. Na segunda edición deste programa, que tamén impulsa o Ministerio de Cultura, estímase que cumpren 18 anos en Lugo 2.186 persoas. Para solicitalo, deben rexistrarse e realizar o procedemento de solicitude na páxina web www.bonoculturajoven.gob.es ata o próximo 30 de setembro.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
