Lugo, 27 de xuño de 2023. Nesta primeira parte, ofrecéronse 37 itinerarios guiados a unhas 90 entidades e colectivos lucenses sen ánimo de lucro, contribuíndo así a incentivar a economía e o turismo nas vilas onde viaxan
A Deputación de Lugo remata esta semana a tempada de primavera da terceira edición do programa de viaxes gratuítas Coñece a túa provincia, que se retomarán en outono, con novas visitas entre os meses de setembro a novembro. No que vai de tempada, desde o mes de marzo, beneficiáronse preto de 1.800 usuarios e usuarias dunhas 90 entidades e colectivos lucenses sen ánimo de lucro, polo que, con estas viaxes a institución provincial contribúe a impulsar a economía e o turismo de proximidade nas vilas onde se desenvolven estas rutas.
Máis dun centenar de veciños e veciñas dos concellos de Lugo, Cospeito e Triacastela serán esta semana os últimos participantes. Deste xeito, este martes serán os membros da Federación de Asociacións de Veciños de Lugo e da ANPA do IES Nosa Señora de Ollos Grandes, tamén da capital lucense, os que realicen a súa ruta polo sur da provincia e A Montaña, respectivamente. Os primeiros partirán cara Monforte desde o Pazo de San Marcos tras ser recibidos polo Deputado en funcións de Promoción Económica e Social, Pablo Rivera, e os segundos sairán do Mazo de Santa Comba despois dun saúdo do Deputado en funcións de Medio Ambiente e Alcalde de Pedrafita do Cebreiro, José Luis Raposo.
O mércores será protagonista de novo A Montaña. A Asociación de Veciños Cultural e Deportiva San Vicente de Pías, de Lugo, desprazaranse a Cervantes e Navia de Suarna logo de coñecer a historia e as instalacións da sede provincial en San Marcos.
Finalmente, o venres protagonizarán a última xornada os socios da Asociación de Xogos Tradicionais de Muimenta, XOTRAMU, e escolares da APA do CEIP, de Triacastela, que, tras achegarse ambos colectivos aos segredos televisivos na Produtora de Audiovisuais da Deputación, coñecerán o patrimonio natural e cultural da Fonsagrada, Negueira de Muñiz e da capital de Lugo.
A institución provincial continuará despois dos meses de verán coa segunda quenda das viaxes da terceira edición do Coñece a túa provincia, que arrancarán o 12 de setembro e desenvolveranse ata o día 7 de novembro.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
