O cabeza de lista do PSdeG ao Congreso lembrou a caída histórica do paro xuvenil no mes de xuño: “Demostra que as medidas de Pedro Sánchez funcionan”, dixo
Lugo, 9 de xullo de 2023. “Os socialistas cremos na igualdade de oportunidades, por iso axudamos a 3.130 familias da nosa provincia para que ningún rapaz se vexa obrigado a abandonar os seus estudos por necesidade”, manifestou o número 1 ao Congreso por Lugo, José Ramón Gómez Besteiro esta mañá, nun encontro en Lugo coa mocidade organizado por Xuventudes Socialistas. Besteiro celebrou os mínimos históricos do paro xuvenil en España: “É un indicador de que as políticas públicas activadas por Pedro Sánchez funcionan”.
Besteiro, que estivo acompañado polo secretario xeral dos socialistas galegos, Valentín González Formoso, e a vicesecretaria do PSdeG-PSOE e alcaldesa da cidade, Lara Méndez, puxo en valor que “hoxe hai moitos mozos de Lugo que collen o transporte público cun desconto do 50%, teñen un traballo con contrato fixo e cun salario como mínimo de 1.080 euros porque nós subímolo un 47%, aforran 250 euros no alugueiro da súa casa, e teñen un bono cultural para mercar libros e asistir a actos culturais”.
Coincidiron en destacar que “Pedro Sánchez é o presidente da mocidade porque por primeira vez un Goberno fai políticas de Estado para facela protagonista e autónoma”. Por iso, Besteiro animou á mocidade “a ser influencer da democracia, hoxe en grave perigo pola ultradereita. O PP e VOX son o mesmo”.
“NON QUEREMOS ALUGAR A NOSA DIGNIDADE”
Pola súa banda, Valentín González Formoso lembrou que foi Pedro Sánchez quen destinou un presuposto récord para bolsas e axudas ao estudo con 2.500 millóns de euros só para este ano. E destacou outras importantes medidas como “a reforma laboral que permitiu a estabilidade entre os mozos e mozas, acabando coa precariedade e a temporalidade”. Os socialistas concluiron que “a xuventude xógase moito o próximo 23X: avance ou retroceso. Por iso o único voto para frear á dereita é o PSOE”.
O secretario xeral das Xuventudes Socialistas de Vigo, Xurxo Doval, incidiu, pola súa banda, no decisivo do 23X: “Os xóvenes non queremos alugar a nosa dignidade nin hipotecar a nosa vida”.
O encontro coa mocidade tivo lugar nun pícnic no paseo fluvial á altura das Caldas do Miño, unha obra, como recordou Lara Méndez, que foi posible grazas aos fondos europeos captados por Pedro Sánchez, ao igual que o centro de enogastronomía na antiga Fábrica da Luz, a pasarela sobre a Nacional VI para acceder ao campo de fútbol ou o novo acceso peonil que une a cidade e o río. Todas obras nesa mesma zona.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
