A Xunta de Goberno aprobou este investimento que aporta ao Concello para a instalación dunha cuberta na pista de pádel municipal e dotar de mobiliario a antiga vivenda de mestres da escola da Pinguela, reconvertida en vivenda social
Lugo, 28 de xullo de 2023. A Xunta de Goberno da Deputación de Lugo aprobou este venres un investimento que supera os 100.000€ para mellorar infraestruturas e servizos públicos dos veciños e veciñas de Alfoz. Así o anunciou a Voceira socialista do Goberno, Pilar García Porto, quen informou dos asuntos tratados na sesión celebrada esta mañá.
García Porto sinalou que esta aportación que fai a Deputación ó Concello, por un total de 107.175,92€, permitirá ao ente local “a instalación unha cuberta na pista de pádel municipal e tamén dotar de mobiliario a antiga vivenda de mestres da escola da Pinguela, na parroquia de Lagoa, rehabilitada como vivenda social”. Esta contía, explicou a voceira socialista, “representa o 95% do total do orzamento necesario para estas actuacións, mentres que o Concello asume 5.640,84€”.
Axudas a tres asociacións da provincia
A Xunta de Goberno de hoxe aprobou tamén o último paso administrativo para o pago das subvencións outorgadas pola Deputación a diferentes asociacións da provincia dentro do Programa para a Dotación e Mellora de Servizos Comunitarios. Pilar García Porto avanzou que a Deputación concedeu preto de 14.000€ a tres entidades dos concellos de Lugo e Paradela, subvencións coas que “seguimos reforzando a cooperación co tecido social da provincia, para dotar de máis e mellores servizos ao noso rural, contribuíndo así a fixar poboación”.
Trátanse de dous colectivos da capital lucense, a Asociación Veciñal Lucus Augusti, que recibe un importe de 6.000€ que lles permitirán realizar obras na súa nova sede; e a Asociación de Veciños, Comerciantes e Industriais da Milagrosa, que percibe 1.880€ para diferentes obras no seu local.
No concello de Paradela, a Deputación outorgou unha axuda de 6.000€ á Agrupación de Propietarios Particulares destinada á mellora do firme do camiño veciñal de Louseira.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
