A previsión é que as obras se prolonguen algo máis de 2 meses, polo que estarán rematadas a principios do outono, a tempo para a celebración dunha nova edición da Feira do Mel que acolle o municipio a mediados de novembro
Lugo, 3 de agosto de 2023. A Deputación de Lugo comezou esta semana en Muras as obras de humanización do Campo da Feira do Viveiró. Os traballos, que contan cun investimento que supera os 400.000€ -dos que a institución provincial achega 371.200€ (o 92,56%) e o Concello 29.800€ (8%)- servirán para darlle unha nova imaxe a este espazo público tan empregado pola veciñanza e facelo máis accesible.
Nunha primeira fase, a actuación consistirá na demolición das actuais beirarrúas, adoquinado, bordos e firmes na súa totalidade, coa intención de liberar a zona de traballo. A nova superficie, que será de plataforma única, terá un acabado de formigón lavado, con bandas lonxitudinais de pedra de 10 centímetros de ancho. Situada na intersección das estradas provinciais LU-P-3402 e LU-P-6502, as vías quedarán delimitadas coa plantación de arborado.
O proxecto inclúe a renovación das redes de servizos: pluviais e saneamento, alumeado público, abastecemento de augas, enerxía eléctrica e telecomunicacións. Ademais, plantaranse un total de 23 árbores e transplantaranse 3 existentes, entre os que haberá pradairos, acivros, castiñeiros, castaños e loureiros. Finalmente, os traballos rematarán coa instalación do novo mobiliario urbano, que estará formado por papeleiras de 45 litros de capacidade, con corpo de aceiro galvanizado e cuberta de madeira, e bancos circulares, do mesmo estilo, de 2 metros de radio.
A empresa encargada destas obras é Novavial SL, que traballa cun prazo de execución de 2 meses e 15 días.
Trátase dunha actuación moi importante para o concello de Muras, non só en termos económicos, xa que o Campo da Feira do Viveiró é moi empregado pola veciñanza e acolle eventos moi importantes para o municipio e a comarca como a Feira do Mel, que se celebra a mediados de novembro.
A Deputación con Muras
Na súa política de colaboración cos 67 concellos da provincia, a Deputación de Lugo fixo un importante investimento no municipio de Muras desde o 2019, cunha achega de preto de 3M€, que serviu para a mellora das infraestruturas e as estradas, pero tamén para o fomento do emprego e o desenvolvemento das políticas sociais.
No que respecta ás infraestruturas, as obras do Viveiró veñen a completar a transformación que está a realizar este concello, cara á humanización dos seus espazos públicos, grazas á colaboración da Deputación de Lugo. Nese sentido, a finais do ano pasado, a institución provincial rematou as obras de transformación da Praza da Galeguidade, no centro urbano de Muras, onde cun investimento de máis de 225.000€ reformulou o espazo en termos de accesibilidade, comodidade e redución do tráfico.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
