Lamentan que o “ecoloxismo de pancarta” que defende o Goberno de Sánchez “só serve para perpetuar o desequilibrio entre a protección da especie e o mantemento do sector primario”
Compostela, 16 de setembro de 2023. O Partido Popular de Galicia valora positivamente que a Comisión Europea se mostre aberta a estudar a posibilidade de reducir a protección do lobo, xa que isto é o que a formación leva demandando desde hai tempo da man do sector primario e desde diferentes ámbitos.
Así o manifestaron os populares esta semana nunha reunión informativa sobre a situación do lobo e o xabaril que organizaron na súa sede autonómica, en Santiago de Compostela. Alí alcaldes e voceiros, así como representantes do sector primario, tiveron a oportunidade de debater sobre a situación xunto á directora xeral de Patrimonio Natural, Belén do Campo, e os presidentes das comisións de Medio Ambiente e de Medio Rural do PPdeG, Marisol Díaz e Avelino Souto.
O recente comunicado da Comisión Europea sobre a posible revisión do nivel de protección do lobo en Europa vai na liña da postura defendida por Galicia desde hai anos, xunto ao resto de comunidades de España con presenza desta especie no seu territorio.
Desde o PPdeG insisten en que o seu obxectivo é garantir o equilibrio entre a protección do lobo e o mantemento do sector primario. Pola contra, critican, o “ecoloxismo de pancarta” que defende o Goberno de Sánchez “só serve para perpetuar ese desequilibrio ao que agora as autoridades europeas queren por fin poñer remedio”.
“O Goberno central faría ben se, como en tantas cousas, seguira o exemplo do que se fai en Galicia”, indican os populares destacando que a Comunidade conta cun plan de xestión do lobo desde 2009 que permitiu aumentar o número de manadas. Un plan que permitiu que o lobo en Galicia non estea en regresión, como argumenta o Executivo, senón todo o contrario: nos anos 90 o lobo estaba no 80% do territorio galego e agora está nun 94%.
Ademais, os gandeiros galegos teñen á súa disposición unha cuantiosa liña de axudas fronte aos ataques do lobo por parte da Xunta “que podería ser aínda máis cuantiosa se o Goberno central non tivera retidos de xeito arbitrario os fondos que lexitimamente corresponden a Galicia por non ter subscrito a súa estratexia”.
Uns fondos que Galicia continúa e continuará reclamando fronte ao bloqueo do Executivo e que son fundamentais para a prevención e a posterior indemnización aos gandeiros polos danos ocasionados polo lobo.
“Non estamos en contra da protección do lobo, pero si estamos a favor da protección dos nosos gandeiros. Porque sabemos, como temos demostrado nestes anos, que un modelo que garanta as dúas cousas é posible”, conclúen os populares
MEDIDAS PARA O CONTROL DA POBACIÓN DO XABARIL
Na reunión informativa celebrada na sede do PPdeG tamén se abordou a problemática derivada dos danos ocasionados pola presenza de xabarís en núcleos urbanos galegos. Neste sentido, cómpre recordar que o Goberno galego vén de declarar a emerxencia temporal en 37 comarcas co fin, precisamente, de controlar a poboación desta especie. Unha medida que entra hoxe en vigor.
No que respecta á presenza de xabarís nos núcleos urbanos, os populares recordan que son os concellos os únicos responsables do mantemento das súas rúas urbanas e periurbanas. Polo tanto, teñen a obrigación de implicarse nas medidas informativas e preventivas de xestión da biomasa e control das zonas de maleza nestes ámbitos, para evitar que estes animais se acheguen a zonas poboadas. Unha labor que desde a Xunta se lles recorda periodicamente a través da Fegamp.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
