Burela, 29 de setembro de 2023. O Concello de Burela aprobou en pleno o seu Plan de Infancia e Adolescencia, un documento necesario para solicitar a Unicef o recoñecemento como cidade Amiga da Infancia. Crearase ademais un Consello Local da Infancia.
“Temos unha sensación agridoce con respecto ao plan: estamos moi contentos de aprobalo, pero gustaríanos ter contado co apoio unánime da corporación; da a impresión de que a oposición do Partido Popular atopa excusas en calquer asunto para ir contra o goberno e poñer obstáculos á nosa xestión”, asegura Mario Pillado, tenente de alcaldesa, que lamenta que o PP “esté máis pendente de entorpecer que de defender os intereses da veciñanza”.
Por outra parte, as coidadoras do comedor terán axustado o seu salario á estrutura retributiva que marca o convenio colectivo do persoal municipal, grazas a oito votos a favor (apoio de Son Burela) e a pesares do intento de impugnación por parte do Partido Popular, que insistía na falta de documentación no expediente para adoptar o acordo, en contra do criterio dos técnicos municipais.
“Temos unha oposición centrada en atacar, pretendendo afianzar unha imaxe autoritaria da alcaldesa cun equipo de goberno ao que intentan desacreditar desde o primeiro día, en lugar de centrarse en traballar de maneira construtiva por Burela. É unha pena que dous asuntos deste calado, un Plan de Infancia e a mellora das condicións de traballadoras municipais, non conten cun respaldo plenario unánime”, afirma a alcaldesa, Carmela López.
“Nós si votamos a favor da moción do PP na que solicita que o goberno central remate os traballos nos accesos a Burela, á que o BNG engadiu a petición das infraestruturas pendentes coa Mariña por parte do Estado e da Xunta, como a autovía e a variante. E votamos a favor porque para nós o primeiro é Burela”, engade López.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
