Está protagonizado por cinco membros do Panel de Expertos de Persoas con Alzheimer (PEPA), un grupo promovido pola Confederación Española de Alzheimer e outras Demencias (CEAFA) e formado por persoas menores de 65 anos diagnosticadas de Alzheimer temperán
Burela, 2 de outubro, 2023. AFAN Burela pon o broche final aos seus actos públicos para conmemorar o Día Mundial do Alzheimer este xoves, 5 de outubro, ás 18:00h, no Auditorio da Casa da Cultura de Burela, coa proxección do documental ‘Tengo Alzheimer, pero sigo siendo yo’, unha peza audiovisual que mostra o impacto da comunicación do diagnóstico nos pacientes, pero tamén como cambia a súa vida, os seus medos, desafíos e loitan día a día contra a enfermidade.
Ildefonso Fernández, Jose Antonio García, Kina García, Julio Senén e Salvador Sobrino son os cinco protagonistas e membros do Panel de Expertos de Persoas con Alzheimer (PEPA), un grupo promovido por CEAFA e formado por persoas menores de 65 anos diagnosticadas de Alzheimer temperán.
O documental expón preguntas ao redor da enfermidade como: “que pensarías se che digo que tes Alzheimer? Como reaccionarías? E se fose alguén próximo?.
A través dos seus testemuños, os protagonistas, familiares e profesionais médicos tratan de compartir a súa experiencia e coñecementos sobre a enfermidade, así como visibilizar o que supón recibir esta noticia para as súas vidas.
Investigación para o diagnóstico temperán
Este ano, no Día Mundial do Alzheimer, baixo o lema ‘Integrando a innovación’, CEAFA centrou a atención nunha das cuestións prioritarias, pero, á vez, máis complexas de poñer encima da mesa: a innovación.
Neste sentido, a entidade segue reivindicando a necesidade de investir e investigar para que se poida realizar un diagnóstico temperán e poder actuar canto antes na retardación desta enfermidade, que aínda non ten cura, mellorando a calidade de vida dos pacientes e a súa contorna.
Que é o PEPA?
O PEPA nace a iniciativa de CEAFA no ano 2017, seguindo experiencias desenvolvidas noutros países da nosa contorna, para responder á necesidade de contar coa experiencia e perspectiva das persoas con Alzheimer e outras demencias. O panel é un órgano consultivo e promotor de iniciativas da Confederación, realizando achegas axustadas á súa realidade, á súa experiencia, de temas que lles inflúen directamente a eles, á súa contorna familiar e, por extensión, ao conxunto da sociedade. Inspira ideas e accións, encamiñadas a resolver as necesidades das persoas que conviven coa demencia.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
