Antonio Ameijide advirte que o Goberno central debería consignar, anualmente, dentro dos Orzamentos Xerais do Estado as partidas económicas necesarias que permitan garantir a prestación destes servizos por parte das entidades locais, en lugar de impoñer obrigas e desentenderse de se os municipios poden asumilas ou non
Lugo, 28 de outubro de 2023. O pasado 29 de setembro entrou en vigor a Lei 7/2023, do 28 de marzo, de protección dos dereitos e o benestar dos animais, unha normativa de carácter estatal pero que tamén redefine as competencias que teñen os municipios, sendo en moitos casos “practicamente inasumibles para pequenas poboacións xa que non teñen nin medios técnicos nin económicos suficientes”.
Por este motivo, os deputados do Grupo Provincial Popular comezaron unha campaña de contactos cos representantes dos diferentes municipios da provincia e constataron a incapacidade de moitos dos concellos para poder cumprir coas obrigas que se lles impoñen nesta lei. Por este motivo, os populares defenderán no pleno do vindeiro martes unha iniciativa para que asumas as súas competencias e axude aos municipios neste eido.
O voceiro popular, Antonio Ameijide, ve necesario que a Deputación de Lugo leve a cabo as actuacións precisas para colaborar cos concellos da provincia, ben sexa a través de convenios necesarios, a construción das instalacións adecuadas ou outras medidas que se consideren necesarias, para poder cumprir coas obrigas establecidas nesta lei.
Dende o Grupo Popular non se entende que “esta lei poña tantas responsabilidades aos municipios, cando moitos deles non teñen capacidade par asumilas” polo que o máis normal é que “a Deputación dea esa axuda por dous motivos. Primeiro, porque é unha das súas funcións a colaboración cos concellos da provincia e, en segundo lugar, porque a lei da capacidade ao ente provincial a actuar e é o que ten que facer”.
Ademais, Antonio Ameijide sinala que o Goberno central debería consignar, anualmente, dentro dos Orzamentos Xerais do Estado as partidas económicas necesarias que permitan garantir a prestación destes servizos por parte das entidades locais.
Entre as competencias que se atribúen aos municipios están a dotación dunha instalación temporal municipal para albergar aos animais extraviados e abandonados ata a súa recollida polo servizo correspondente; un servizo de urxencia para a recollida e atención veterinaria destes animais, dispoñibles as vinte e catro horas do día; o coidado dos animais desamparados ou o control de colonias felinas coa identificación mediante microchip, rexistrada baixo a titularidade da Administración local competente e a esterilización cirúrxica de todos os gatos comunitarios; así como a xestión das devanditas colonias, entre outras.
“Medidas que son inasumibles para a maioría dos concellos”, denunciou Ameijide.
O voceiro popular sinala o camiño a seguir ao goberno provincial, poñendo como exemplos o que fan na Deputación de Pontevedra e na Deputación de Ourense.
– A Deputación de Pontevedra é titular do servizo denominado CAAN, con instalacións situadas non lugar do Busto, na parroquia dá Armenteira (Meis). Funciona dende o ano 2013 e conta con amplas instalacións e cun grande equipamento técnico e de persoal. Neste centro titularidade provincial se leva a cabo a prestación do servizo de acollida de animais domésticos abandonados de 52 concellos de Pontevedra (que suman máis de 375.000 habitantes).
– A Deputación de Ourense que, tamén dende hai máis de 10 anos, conta cunha Rede Provincial de Centros de Recollida de Animais Abandonados, con centros de acollida en Xinzo de Limia, O Carballiño, Muíños e A Rúa. Presta actualmente este servizo a máis de 80 concellos do total de 92 municipios ourensáns en virtude dun convenio marco de cooperación.
Antonio Ameijide afirma que “o papel que pode desempeñar a Deputación de Lugo é fundamental para facilitar o exercicio destas obrigas nos municipios, polo que debe poñer a disposición dos concellos os medios materiais, económicos, técnicos e persoais necesarios para dar cumprimento ao establecido na Lei 7/2023”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
