Mariña Gueimunde explica que no pasado pleno xa se pediron explicacións aos problemas coa recollida do lixo, advertindo dende o goberno local que se trataba de incidencias puntuais que, na realidade, se agravaron co paso das semanas nas rúas de Viveiro
Viveiro, 30 de outubro de 2023. Nas últimas semanas, os veciños e veciñas de Viveiro fixeron públicas e notorias as súas queixas polos problemas co servizo de recollida de lixo no municipio, que se agravou nos últimos días coa proliferación de depósitos descontrolados de residuos voluminosos na rúa.
A voceira popular, Mariña Gueimunde, recorda que por mor dos problemas deste servizo, no pleno do mes pasado xa presentamos un rogo para obter as explicacións oportunas sobre os problemas deste servizo, ao que o goberno local respondeu que “eran problemas puntuais”.
Unha situación que dende o goberno de María Loureiro aproveitaron para anunciar unha nova liña de colectores orgánicos adaptados xa á normativa europea, de cor marrón, “pero sen concretar os puntos nos que se colocarán, como se reorganizará o servizo de recollida, xa que este contedor non está incluído no contrato da actual empresa adxudicataria”.
Pero a realidade é que nos últimos días a situación empeorou. Mariña Gueimunde denuncia que a situación as rúas de Viveiro “é desoladora”. “Contedores, plásticos e restos de mobles e bolsas que desprende, en ocasións, un fedor desagradable” como ocorre na avenida García Dóriga.
Dende o Grupo Municipal do PP tamén insisten na necesidade de poñer en servizo os colectores soterrados da rúa Nicolás Cora, “na actualidade mesturados cos antigos de rodas e amontoados nas beirarrúas ofrecendo unha imaxe penosa e pouco saudable no lugar”.
Para os populares de Viveiro é urxente solucionar todos estes problemas e que o goberno de María Loureiro se tome en serio esta circunstancia que poden afectar á saúde dos viveirenses.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
