O Grupo Municipal do Bng e o deputado Daniel Castro reúnense cos familiares de usuarios do Centro San Rafael
A Mariña, luns 6 de novembro 2023. No centro residencial San Rafael de Mondoñedo están a sufrir desde hai preto de un ano unha serie de deficiencias que puxeron en alerta aos familiares dos propios residentes, polo que o concelleiro portavoz do Bng en Mondoñedo, Eloi Cabanas, a concelleira Pepa Carballeira e o deputado no Parlamento Daniel Castro reuníronse cos familiares de usuarios e usuarias desta residencia. Estes familiares veñen sinalando que incluso o inmobiliario do centro se atopa en condicións deplorables que poden poñer en risco a integridade física dos e das residentes. Alén disto, os familiares trasladaron tamén aos representantes do BNG que se constatou unha evidente falta de persoal, xa que nin as baixas, nin as vacacións son cubertas polo centro, o que provoca que as persoas residentes non poidan ser atendidas cuns mínimos de calidade, algo que se pode evidenciar ao sabermos que soamente dúas profesionais atenden aos case 50 residentes, todo isto nun edificio extremadamente grande e incómodo.
Esta realidade provoca, por exemplo, que as comidas non poidan ser dispensadas ás horas axeitadas, chegando a pasar máis de 14 horas entre inxestas. A isto debe sumárselle o feito de que as coidadoras ademais de atender aos residentes deben contestar ao teléfono e saír ao exterior para abrir a verxa de acceso.
Por se fose pouco o reflexado, tamén se ten constatado que o centro carece do obrigado servizo de enfermería durante a fin de semana e a calidade da comida ofrecida vén diminuíndo desde hai tempo.
E dentro desta espiral de deterioro do servizo ofrecido os e as familiares dos residentes topáronse recentemente con dúas noticias. A primeira ten que ver con que a todas estas deficiencias temos que sumar o feito de que a Asociación Edad Dorada Mensajeros de la Paz del Noroeste decidiu incrementar o prezo mensual da residencia até chegar aos 1900 euros mensuais. “A este incremento sen precedentes, que pode chegar a ser de até 700 euros, tamén lle debemos engadir que a Xunta de Galiza vai contratar prazas de carácter público neste centro, polo que os familiares entenden, ao igual ca nós, que a administración pública ten que garantir que estas deficiencias sexan solventadas e que o servizo mellore” afirmou o deputado mariñao.
Vellez digna e con dereitos. É necesario un novo modelo de residencias centrado na atención integral ás persoas usuarias
“Diante de toda esta situación está claro que as administracións deben intervir, por eso levamos a Parlamento varias preguntas do obxecto de que a Xunta se implique na solución desta problemática” afirmou Daniel Castro, que recordou tamén a postura da súa formación a respecto das residencias de maiores, afirmando que é necesario un novo modelo de residencias públicas centrado na atención integral ás persoas usuarias para que disfruten dunha vellez digna e con dereitos.
Do mesmo xeito, os representantes municipais do Bng, Eloi Cabanas e Pepa Carballeira instarán ao concello a tomar cartas no asunto. “Non nos parece de recibo que desde o concello de Mondoñedo non se houbera dado resposta ás demandas dos familiares dos usuarios e usuarias, polo que instaremos ao goberno municipal para que sexa parte activa na solución deste problema, como lle corresponde, tanto por responsabilidade na parte que lle toca, coma por ser a administración máis próxima ao cidadán” afirmou Cabanas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
