Na visita á localidade tamén repasou xunto co alcalde focense, Francisco Cajoto, e a subdelegada na provincia, Isabel Rodríguez, algunhas das actuacións finalizadas, como a recuperación do sistema dunar na Pampillosa cun orzamento de 80.000 euros, e outras que están en marcha, como as melloras na praia de Llas cun investimento de 320.000 euros
Foz, 14 de novembro de 2023. O delegado do Goberno en Galicia, Pedro Blanco, destacou esta mañá no concello de Foz a aposta do Goberno pola conservación e a mellora do litoral galego, cun investimento de máis de 68 millóns de euros. Fíxoo durante a supervisión das obras xa finalizadas do sendeiro peonil entre as praias de Peizás e A Pampillosa, cun achega de 886.000 euros. “Unha actuación financiada polo Ministerio para a Transición Ecolóxica e o Reto Demográfico que evidencia o compromiso do Goberno coa posta en valor dos recursos naturais do Concello de Foz, dentro da súa aposta pola dinamización económica e turística da Mariña, e que se enmarca dentro dos 4,4 millóns de euros proxectados para distintas obras na provincia de Lugo”, salientou o delegado.
Pedro Blanco comprobou o resultado das obras acompañado polo alcalde de Foz, Francisco Cajoto, a subdelegada na provincia, Isabel Rodríguez, e o xefe provincial de Costas, José Miguel Estevan. O delegado puxo de relevo que “a incorporación destes terreos para uso e desfrute dos veciños e veciñas tanto de Foz como da comarca da Mariña permitirá gozar desta senda peonil de preto de 1.600 metros, explorando novas franxas da costa e aproveitando os valiosos recursos naturais que ten este concello”.
O delegado quixo agradecer “a colaboración e o traballo do alcalde de Foz, Francisco Cajoto, co fin de continuar a transformar este concello nun lugar máis amable con atractivos turísticos que conviven en perfecta harmonía coa natureza”. Neste senso, o paso dos terreos a dominio público e a finalización das obras “evidencian a aposta do Goberno pola conservación e mellora da costa da Mariña, promovendo ademais un turismo sustentable e respectuoso co medio ambiente”.
Durante a visita, tamén repasaron algunhas das actuacións xa finalizadas, como a da recuperación do sistema dunar na Pampillosa, cun orzamento de 80.000 euros, e tamén outras que aínda están en marcha, en referencia ás melloras na praia de Llas cun investimento de máis de 320.000 euros.
Sendeiro peonil en Foz
As obras financiadas polo Goberno no litoral de Foz consistiron na creación dun sendeiro peonil entre as praias de Peizás e A Pampillosa, nuns terreos expropiados que pasaron a uso de dominio público para este fin.
Cunha lonxitude de 1.600 metros, o novo camiño permitirá o peche definitivo do paseo xa existente pola costa, entre a praia dos Fondás, na ría de Foz, e o interior da ría do Ouro. Estes novos traballos posibilitan un trazado continuado de paseo de preto de 15 km desde Barreiros ata A Pampillosa.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
