Dende o seu nacemento no 1898 as “Maison du peuple” (Casa do Pobo) ou centros obreiros creáronse como espazos pedagóxicos contra o analfabetismo e a instrución para o acceso ás universidades populares da época, unha idea fascinante polo transformador.
A Casa do Pobo de Foz non pertence a un partido político pertence a todos os veciños e veciñas que comparten os principios e os valores que proxecta. Un propósito que nace da vida da xente e as súas loitas diarias que son moitas, moi diversas e moitas veces levadas dende o abismo da soidade.
Accións ignominiosas como atentar contra a Casa do Pobo de Foz non é un ataque ao presidente de quenda nin tan sequera a unha condición militante singular, porque o socialismo alberga multitudes, senón que socava a esperanza de moitas persoas de ben que aspiran a ter unha vida un pouco mais digna, cunha mellor cobertura sanitaria, unha mellor educación para os seus, ou unha vila vertebrada e próspera pero sobre todo unha sociedade de convivencia en harmonía.
Non podemos permitirnos como sociedade que o medo e a violencia asalten as conviccións democráticas que tanto custou conquistar aos nosos pobos, como así o recordaba aquel alcalde que un quince de abril do 2006 abriu por primeira vez a porta da actual “Maison du peuple” focense “na honra da memoria dos compañeiros que en épocas difíciles apuraban as horas para desfacerse da documentación que comprometía a tanta xente que loitaba pola liberdade e a vida en paz”.
O deber de recordar, Foz é un pobo de paz.
Carlos García – Vicesecretario Xeral PSdeG PSOE de Foz
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.