Nota de Prensa
NNXX provincial traballará pola constitución de xuntas locais nos
distintos municipios lucenses
NOVAS XERACIÓNS ESTARÁ PRESENTE NOS 67 CONCELLOS DE LUGO
• Tralo inicio do curso político o próximo mes en Portomarín, a
executiva provincial tamén se implicará na creación dunha escola de
formación e dunha asociación paralela a NNXX
Lugo, 25 de setembro de 2010.- O comité de dirección de Novas
Xeracións da provincia de Lugo, constituído fai unha semana, mantivo
onte a súa primeira reunión durante a que se acordou como un dos
principais retos para o próximo curso político, o contacto coas xuntas
locais do Partido Popular co obxectivo de constituír NNXX en todos os
concellos lucenses. Ata o momento, só 15 municipios teñen
representación política da agrupación xuvenil do PP, porén, tal e como
afirmou o presidente provincial, Daniel Vega, a pretensión é que
“Novas Xeracións esté presente nos 67 concellos lucenses”.
A executiva provincial estableceu onte un programa de actividades e
retos para os primeiros meses do próximo curso político –que dará
comezo o vindeiro 23 de outubro en Portomarín–, co que lle dará
cumprimento ao seu programa político. Así, a acta da reunión mantida
onte tamén contempla a programación dunha reunión de traballo para
estudar a futura constitución dunha escola de formación e dunha
asociación paralela a Novas Xeracións.
Ademais a agrupación provincial prevé para o mesmo mes de outubro unha
reunión cos representantes da comarca de Vilalba, así como a
celebración da primeira xuntanza do comité executivo de Novas
Xeracións, que terá lugar o próximo venres, en Guitiriz.
Programa para novembro
De igual maneira, a axenda para o mes de novembro recolle actos de
reivindicación da actual situación de precariedade gandeira, económica
e laboral. Así, acorde ás principais problemáticas da sociedade
actual, Novas Xeracións provincial colaborará coa agrupación local de
Lugo cidade na organización dun acto que versará sobre a situación
económica e laboral da xuventude. O obxectivo é extraer conclusións
que logo lle serán propostas aos deputados da área.
De igual maneira, Sarria acollerá un acto reivindicativo sobre a
actual situación de crise do sector lácteo e que converte en penoso o
traballo dos gandeiros. Con el, NNXX porá de manifesto que “sigue
pensando na poboación agraria”, segundo manifestou Daniel Vega.
Así mesmo, o día 20 de novembro e coincidindo co Ano Santo Xacobeo,
Novas Xeracións de Lugo realizará un tramo do Camiño de Santiago, o
que descorre entre o Monte do Gozo e a catedral compostelá. Tamén
realizará outro tramo do camiño ao seu paso por Portomarín.
Por último, a actual executiva de Novas Xeracións non se esquece dos
seus predecesores, tanto é así que o 13 de novembro a cidade de Lugo
tamén acollerá un acto de agradecemento e recoñecemento do traballo de
todos os que ostentaron o cargo de presidente de Novas Xeracións na
provincia.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
